Իրանի բանակն ապահովելու է Բաբ էլ-Մանդեբի նեղուցի անվտանգությունը
«Իրանի բանակի ռազմածովային ուժերի համար մեծ նշանակություն ունի Ադենի ծոցի, Կարմիր ծովի և Բաբ էլ-Մանդեբի նեղուցի անվտանգության ապահովումը»․ասել է Իրանի բանակի ռազմածովային ուժերի հրամանատարը:
«ԻՌՆԱ» լրատվական գործակալության հաղորդման համաձայն՝ ծովակալ Հաբիբոլլահ Սայարին նշել է, որ Իրանի բանակի ռազմածովային ուժերը մինչ օրս Բաբ էլ-Մանդեբի նեղուցում և Ադենի ծոցում ուղեկցել են 3850 իրանական առևտրական և նավթատար նավերի և 25 արտասահմանյան նավերի:
Ծովակալ Սայարին հավաստիացրել է, որ ԻԻՀ բանակի ռազմածովային ուժերի նավախմբերին առաջին անգամ հաջողվել է անցնել Հարավաֆրիկյան Հանրապետությունում գտնվող Բարեհուսո հրվանդանի տարածքից:
«2018թ. սկզբին Իրանի բանակի ռազմածովային ուժերը հյուրընկալելու են Հնդկական օվկիանոսի ափամերձ երկրների ծովուժի հրամանատարների համագումարը, որին որպես դիտորդ մասնակցելու են նաև եվրոպական երկերները»․ասել է ԻԻՀ բանակի ռազմածովային ուժերի հրամանատարը:
