Իրանի իսլամական հեղափոխությունը օրինակ է ծառայում պաղեստինցի պայքարողների համար
Պաղեստինի փրկության համար ժողովրդային ճակատի գլխավոր քարտուղարն ասել է. «Իրանի իսլամական հեղափոխության հաղթանակը նոր ոգի ներշնչեց պաղեստինյան պայքարին»:
Պաղեստինի փրկության համար ժողովրդային ճակատի (գլխավոր հրամանատարություն) գլխավոր քարտուղար Ահմեդ Ջեբրիլը, երեքշաբթի օրը Թեհրանում կայացած Պաղեստինի ժողովրդի ինթիֆադայի պաշտպանության միջազգային 6-րդ համաժողովում ասել է. «Ինչպես իսլամական հեղափոխության մեծապատիվ առաջնորդն ընդգծեց, Պաղեստինի հարցը ոչ թե քաղաքական թեմա է, այլ հավատքի վրա հիմնված սկզբունք»:
Ահմեդ Ջեբրիլը նշել է, որ մինչև իսլամական հեղափոխությունն Իրանում տիրում էր ամերիկյան իսլամը: «ԻԻՀ համակարգը հաստատեց Մոհամմեդի մաքուր իսլամը». ասել է նա:
«Հեզբոլլահը և Պաղեստինի ու Սիրիայի դիմադրությունը ԻԻՀ-ի համար առաջատար դիրքեր են ապահովում»,-հայտարարել է Ահմեդ Ջեբրիլը հիշեցնելով, որ լուսահոգի Էմամ Խոմեյնու համոզմամբ, Իսրայելը քաղցկեղային ուռուցք է համարվում, որը պետք է արմատախիլ անել:
Պաղեստինի ինթիֆադայի պաշտպանության միջազգային 6-րդ համաժողովը մեկնարկեց երեքշաբթի օրը, իսլամական հեղափոխության մեծապատիվ առաջնորդի ելույթով և աշխարհի 80 երկրների բարձրաստիճան պաշտոնատարների ու գործիչների ներկայությամբ :
Իսլամական հեղափոխության մեծապատիվ առաջնորդ ՆՎ Այաթոլլահ Խամենեին Պաղեստինի ինթիֆադայի պաշտպանության միջազգային համաժողովի բացման հանդիսության ժամանակ ունեցած ելույթում նշել է. «Պաղեստինի տառապալից պատմությունը և համբերատար, տոկուն ու դիմադրող այս ժողովրդի բռնահարվածության հոգեմաշ վիշտը ցավ է պատճառում ցանկացած ազատախոհ ու արդարատենչ մարդու»:
