Իսլամական Հեղափոխության Մեծահարգ Առաջնորդն զգուշացրել է Իրանի ընտրությունների ընթացքում թշնամիների դավադրության վերաբերյալ
Իսլամական Հեղափոխության Մեծահարգ Առաջնորդն առաջիկա օրերին Իրանում կայանալիք իսլամական խորհրդարանի և առաջնորդության բանիմացների խորհրդի ընտրություններին ժողովրդի մասնակցությունը համարել է կարևոր գործոն իսլամական համակարգի հզորացման և Իրանի թշնամիների դավադրությունները չեզոքացնելու համար:
Այսօր առավոտյան Նաջաֆաբադ քաղաքի բնակչության հետ ունեցած հանդիպման ժամանակ Նորին Վսեմություն Այաթոլլահ Խամենեին հավելել է.-«Երբ թշնամին տեսնում է, որ 37 տարի անցել է իսլամական հեղափոխությունից և ինքը չի կարողացել այդքան ճնշումներով , դաժան շրջափակումներով և միտումնավոր քարոզչություններով իսլամական համակարգի հանդեպ փշրել ժողովրդի հավատարմությունը, ուստի հեղափոխության վեհությունը ակնհայտ է դարձել նրա համար»:
Իսլամական Հեղափոխության Մեծահարգ Առաջնորդն հավելել է.-«Ժողովուրդն այնպիսի խորհրդարան է ուզում ունենալ, որը կարևորություն կտա երկրի արժանապատվությանն ու անկախությանը և կկանխի այն ուժերի ագահությունը, որոնք հեռացվել են այս երկրից և ցանկանում են կրկին վերադառնալ Իրան»:
Նշելով , որ Արևմուտքի հետ Իրանի միջուկային բանակցություններից հետո, ԱՄՆ չար ծրագրեր է հետապնդում տարածաշրջանում և Իրանում, Իսլամական Հեղափոխության Մեծահարգ Առաջնորդն ասել է.-«Թշնամին ջանում է իր գործակալների միջոցով ներթափանցել երկիր և հենց այդ պատճառով բոլորը պետք է զգույշ լինեն և թույլ չտան թշնամին պառակտում առաջացնի երկրում»:
