Իսլամական Հեղափոխության Մեծարգո առաջնորդ.«Պետք է պահպանել անտառներն ու բնական ռեսուրսները»
Բնական ռեսուրսների շաբաթվա առիթով այսօր Իսլամական Հեղափոխության մեծարգո Առաջնորդ Այաթոլլահ Խամենեին մասնակցել է ծառատունկի:
Մարտի 8-ին, Այաթոլլահ Խամենեին կարևորելով շրջակա միջավայրի պաշտպանության անհրաժեշտությունը, հավելել է.-«Բուսական տարածքների պակասի հետևանքով աղտոտվում է քաղաքների օդը և առաջանում են աերոզոլները, հետևաբար կարևոր է պահպանել Իրանի բուսական աշխարհը»:
Կարևորելով Իրանի անտառածածկ տարածքների առավելությունները, Իսլամական հեղափոխության առաջնորդը հավելել է.-«Իրանի հյուսիսային հատվածի անտառները աշխարհի հազվագյուտ անտառային տարածքներից են համարվում, սակայն որոշ շահամոլ գործարարներ անտեսելով երկրի ազգային շահերը, ավերում են անտառներն ու բնական ռեսուրսները»:
Մեծարգո առաջնորդն ընդգծել է.-«Երկրի պաշտոնյաները պետք է ջանքեր գործադրեն անտառների, ցանքատարածքների և բնական ռեսուրսների պաշտպանության ուղղությամբ»:
Այաթոլլահ Խամենեին ծառատունկի օրը բնութագրել է, որպես բուսական աշխարհի հանդեպ Իրանի ժողովրդի կողմից ցուցաբերած հարգանքի խորհրդանիշը:
Մարտի 5-ն Իրանում նշվում է որպես ծառատունկի օր:
