Թեհրանի ուրբաթօրյա աղոթապետ.«Միջագային կազմակերպությունները անտեսում են մարդու իրավունքների ոտնահարման դեպքերը»
Թեհրանի ուրբաթօրյա աղոթապետն ասել է, որ աշխարհում մուսուլմանների կոտորածի նկատմամբ միջազգային կառույցների լռությունը հարցականի տակ է դրել մարդու իրավունքները պաշտպանող կազմակերպությունների հեղինակությունը:
Անդրադառնալով Սաուդյան Արաբիայի արտգործնախարար՝ Ադել Ալ-Ջոբայրի հակաիրանական անհիմն հայտարարությանը, Թեհրանի ուրբաթօրյա աղոթապետ Այաթոլլահ Մոհամեդ Ալի Մովահեդի Քերմանին ասել է.-«Իրանի կողմից տարածաշրջանում ահաբեկչությանը ցուցաբերվող հովանավորության կապակցությամբ սաուդցիների մեղադրնաքն անհիմն է: Հարկ է նշել, որ այդ երկիրն արդեն երկու տարի հարձակումներ է իրականացնում Եմենի վրա, սպանելով եմենցի մանուկներին և բազում ոճրագործություններ են իրականացնելով Եմենում»:
Այաթոլլահ Մովադեդի Քերմանին ընդգծելով որ Իրանի սկզբունքային քաղաքականությունը հիմնված է բռնահարվածներին պաշտպանելու և Ղուրանի ուսմունքների վրա ասել է.-«Փահլավի բռնապետական ռեժիմի ժամանակ Իրանը կախված էր օտարներին, սակայն այսօր Իրանը դարձել է տարածաշրջանային ուժ»:
Այաթոլլահ Մովահեդի Քերմանին ամոթալի է համարել մարդու իրավունքների պաշտպանության կապակցությամբ արևմտյան և տարածաշրջանի որոշ արաբական երկրների կողմից հնչեցրած հայատարարություններն ասելով.-«Մարդու իրավունքները ոտնահարող որոշ երկրներ այսօր այնպես են ձևացնում, թե պաշտպանում են մարդու իրավունքները»:
Թեհրանի ուրբաթօրյա աղոթապետն անդրադառնալով առաջիկայում Իրանում անցկացվելիք նախագահական ընտրություններին ասել է.-«Ընտրությունները մեծ փորձ և Աստվածային ավանդ են Իրանի ժողովրդի համար և նրանք պետք է ընտրեն ամենարժանավոր թեկնածուին»:
