ԻԻՀ նախագահը շնորհավորել է հեղափոխության մեծապատիվ առաջնորդին` Նովռուզի կապակցությամբ
ԻԻՀ նախագահն իսլամական հեղափոխության մեծապատիվ առաջնորդի հետ հեռախոսազրույցում շնորհավորել է իրանական 1396 թվականի տարեմուտը:
Երկուշաբթի օրը՝ նոր տարվա առաջին պահերին տեղի ունեցած հեռախոսազրույցի ժամանակ, ԻԻՀ նախագահ Հասան Ռոհանին շնորհավորելով իսլամական հեղափոխության մեծապատիվ առաջնորդ ՆՎ Այաթոլլահ Խամենեիի նոր տարին և նրան առողջություն ու երկար կյանք մաղթելով, ասել է. «Ձերդ գերազանցության առաջնորդությամբ ու ցուցումներով, միասնականությամբ ու հավաքական ջանքերով և դիմադրողական տնտեսության քաղաքականությունների գործադրումը շարունակվելով, անկասկած իրանական 1396 թվականն Իրանի մեծ ժողովրդի համար առավել առաջադիմության, ազգային արտադրության առավել ծաղկման ու հատկապես երիտասարդության համար առավել զբաղվածության տարի կլինի»:
Հեռախոսազրույցի ժամանակ իսլամական հեղափոխության մեծապատիվ առաջնորդ ՆՎ Այաթոլլահ Խամենեին փոխադարձաբար շնորհավորելով ԻԻՀ նախագահին ու Իրանի ժողովրդի նոր տարին, երկրին ու ժողովրդին ծառայելու ուղղությամբ առավել հաջողություն է մաղթել կառավարությանը:
ԻԻՀ նախագահը երկուշաբթի օրը առանձին հեռախոսազրույց է ունեցել նաև մի շարք բարձրաստիճան հոգևորականների հետ և մշնորհավորելով իրանական 1396 թվականի տարեմուտը , նրանց առողջություն, երկար կյանք ու բարեբեր տարի է մաղթել:
ԻԻՀ նախագահը երեկ նաև առանձին ուղերձներով արեգակնային 1396 թվականի ու Նովռուզի տոնի կապակցությամբ շնորհավորել է Նովռուզը նշող 11 երկրների ղեկավարներին, այդ թվում ՀՀ նախագահ Սերժ Սարգսյանին:
