Ռոհանի.«Իրան-Ռուսաստան հարաբերությունները տարածաշրջանի օգտին է»
Վլադիմիր Պուտինի պաշտոնական հրավերով Ռուսաստան ուղևորված ԻԻՀ նախագահը ժամանելով Մոսկվայի օդանավակայան դիմավորվեց Ռուսաստանի փոխարտգործ նախարարի, Մոսկվայում Իրանի դեսպանի և Թեհրանում Ռուսաստանի դեսպանի կողմից:
Իրան-Ռուսաստան երկկողմ հարաբերությունները երկու երկրի ժողովուրդների և տարածաշրջանի օգտին բնութագրելով, ԻԻՀ նախագահն ասել է.«Այս հարաբերությունները ոչ մի երրորդ երկրի դեմ ուղղված չեն»:
Երկուշաբթի օրը, Թեհրանում, նախքան Ռուսաստան ուղևորվելը լրագրողների հետ հանդիպման ժամանակ, նախագահ Հասան Ռոհանին ասել է.«Իսլամական հեղափոխության հաղթանակից և ութամյա սրբազան պաշտպանության շրջանից հետո, նոր փուլ են թևակոխել Իրան-Ռուսաստան հարաբերությունները և այսօր էլ երկու երկիրը երկկողմ ու միջազգային առումով լավ հարաբերություններ են ծավալում»:
Բուշեհրի ատոմակայանի կառուցումը Իրան-Ռուսաստան համագործակցության խորհրդանիշը ներկայացնելով, Ռոհանին ասել է.«Համատեղ գործունեության համապարփակ ծրագրի շրջանակում երկու երկրի համագործակցությունները ևս վկայում են լավ հարաբերությունների մասին»:
Իրանի գործադիր իշխանության ղեկավարն ահաբեկչության դեմ պայքարը Թեհրանի ու Մոսկվայի ընդհանրություններից բնութագրելով, նշել է, որ Իրանն ու Ռուսաստանը համոզված են, որ ահաբեկչությունը չպետք է միջոց ծառայեցնել տարածաշրջանային նպատակների իրագործման համար: Այդ ուղղությամբ Իրանն ու Ռուսաստանը համագործակցում են Սիրիայի հարցով, պայքար են մղում ահաբեկչության դեմ և ջձգտում են կայունություն հաստատել Միջին Արևելքում:
