Իրանի ՆԳՆ.«Պատրաստ ենք ապահով ընտրությունների անցկացմանը»
Իրանի ՆԳ նախարարն ասել է.«Նախարարությունը պատրաստ է օրինական, արդար ու անվտանգ ընտրությունների անցկացմանը»:
Իրանի ՆԳ նախարար Աբդոլռեզա Ռահմանի Ֆազլին երկուշաբթի օրը նշել է.«Իրանի Ներքին գործերի նախարարությունը պատրաստ է 2017 թվականի մայիսի 19-ին նախագահական ընտրությունների և քաղաքային ու գյուղական իսլամական խորհուրդների ընտրությունների անցկացմանը և համագործակցում է Սահմանադրության պահապան խորհրդի և Իսլամական խորհրդարանի հետ»:
Անդրադառնալով տարբեր ոլորտներում Իրանի ձեռքբերումներին, Ռահմանի Ֆազլին հստակեցրել է.«Չնայած տարածաշրջանի անապահով պայմաններին և թշնամիների միջամտություններին ու սադրանքներին, Իրանը՝ իսլամական հեղափոխության մեծարգո առաջնորդի ցուցումներով և երկրի ռազմական ու անվտանգության ուժերի և իրավապահների ջանքերով ցանկալի պայմաններում է գտնվում»:
Նշելով, որ անցած տարի Իրանի տնտեսության ոլորտում միանիշ գնաճը և ավելի քան 8 տոկոսանոց տնտեսական աճը մեծ քայլ է եղել, Իրանի ՆԳ նախարարը հավելել է.«Աշխատատեղերի ստեղծմանը և տնտեսական լճացումից դուրս գալուն ուղղված դիմադրողական տնտեսության իրագործումը Իրանի ՆԳ նախարարության նպատակներից է»:
