ԻԻՀ նախագահ.«Սիրիայի դեմ ԱՄՆ-ի հարձակումը ահաբեկիչների պարտությունը փոխհատուցելու քայլ էր»
Դատապարտելով Սիրիայի վրա ԱՄՆ-ի հրթիռային հարձակումը, ԻԻՀ նախագահն ասել է.«Այս հարձակումը տեղի ունեցավ Սիրիայում ահաբեկիչների պարտությունը փոխհատուցելու և այդ երկրում նրանց ոճրագործությունները խրախուսելու նպատակով»:
Այսօր տեղացի ու արտասահմանցի լրագրողների հետ ունեցած մամլո ասուլիսում, նշելով, որ Սիրիայի դեմ ԱՄՆ-ի հրթիռային հարձակումը դեմ է միջազգային իրավունքներին, ԻԻՀ նախագահ Հասան Ռոհանին ընդգծել է.«Այս հարձակումը վնասեց Սիրիայի խաղաղության հարցով բանակցություններին և գոտեպնդեց ահաբեկչական խմբավորումներին»:
ԻԻՀ նախագահն ասել է.«Եթե անկողմնակալ երկրների մասնակցությամբ միջազգային փաստահավաք մարմին ստեղծվի քննելու համար Սիրիայում քիմիական զենքի կիրառման հարցը, և արդյունքում պարզվի, որ ահաբեկիչներն են քիմիական զենք օգտագործել, ԱՄՆ-ն ինչ պատասխան է տալու միջազգային հանրությանը»:
Ռոհանին նաև Սիրիայի ապագայի մասին ասել է.«Սիրիայի ճգնաժամը քաղաքական լուծում ունի և այդ երկրի ճակատագիրը կտնօրինի նրա սեփական ժողովուրդը»:
Նշելով, որ Իրանը քիմիական զենքի գլխավոր զոհերից է, ԻԻՀ նախագահը հստակեցրել է.«Իրանը դատապարտում է ցանկացած խմբի կամ անձի կողմից քիմիական զենքի օգտագործումը և համոզված է, որ չպետք է քիմիական զենք կիրառել»:
