Վրաստանը՝ Զարիֆի տարածաշրջանային ուղևորության երկրորդ հանգրվանը
ԻԻՀ ԱԳ նախարարը քաղաքական ու տնտեսական մի պատվիրակության ընկերակցությամբ ժամանեց Վրաստանի մայրաքաղաք՝ Թբիլիսի:
ԻՌՆԱ-ի հաղորդման համաձայն, Մոհամմեդ Ջավադ Զարիֆը Թուրքմենստան կատարած այցի ընթացքում բանակցել է այդ երկրի բարձրաստիճան պաշտոնատարների, այդ թվում` նախագահ Ղորբանղոլի Բերդի Մոհամմեդովի հետ, մասնակցել է տնտեսական համատեղ համաժողովին ու նաև հանդես եկել բանախոսությամբ: Այցի ավաչտին, շարունակելով իր տարածաշրջանային ուղևորությունը, Զարիֆը ժամանել է Վրաստան:
Մշակված ծրագրի համաձայն` այցի շրջանակներում Զարիֆը հանդիպելու է Վրաստանի բարձրաստիճան պաշտոնատարների հետ:
ԻԻՀ ԱԳ նախարարը տարածաշրջանային այցի շրջանակներում նաև ուղևորվելու է Ղրղզստան:
ԻԻՀ ԱԳ նախարարն իր պաշտոնակիցների հրավերով և խորհրդային երեք նախկին հանրապետությունների անկախության 25-ամյակի տոնակատարություններին մասնակցելու նպատակով է Միջին Ասիա և Կովկաս ուղևորվել:
ԻԻՀ ԱԳ նախարարը տարածաշրջանային ուղևորության առաջին փուլում կիրակի օրը ժամանեց Աշխաբադ:
Զարիֆն ու Բերդի Մոհամմեդովը հանդիպման ժամանակ զրուցել են երկու երկրի հարաբերությունների ընդլայնման շուրջ:
