Ռոհանի. Իրանի ժողովուրդն առավել հաստատակամությամբ կպայքարի ահաբեկչության դեմ
ԻԻՀ նախագահն ընդգծել է, որ ահաբեկչության նպատակը մարդկության ու մարդկային քաղաքակրթության ոչնչացումն է: Նա ասել է. «Իրանի ժողովուրդն առավել հաստատակամությամբ է պայքարելու ահաբեկչության, բրտարարքների ու ծայրահեղականության դեմ»:
Չորեքշաբթի երեկոյան, մշակույթի ու արվեստի գործիչների մասնակցությամբ իֆթարի հանդիսության ընթացքում ընդգծելով, որ ահաբեկչության լեզուն փամփուշտն ու բռնարարքն է, Հասան Ռոհանին ասել է. «Ահաբեկչության նպատակն է ոչնչացնել այն ժողովրդի քաղաքակրթությունը, որն իր հեղափոխության հաղթանակի առաջին օրից ահաբեկչության զոհն է համարվում»:
Ռոհանին ընդգծել է, որ ԻԻՀ-ն առաջին օրից պայքարել է ահաբեկչության դեմ և նույնիսկ մեծ ժողովուրդների փրկել է վտանգից: Նա ասել է. «Իրանի մեծ ժողովուրդն այսօր վճարում է իր դիմադրության գինը»:
«Ահաբեկիչները կրկին ձախողելու են Իրանի միասնական, հերոս ու քաջարի ժողովրդի դիմաց, որը պաշտպանում է իր երիտասարդության լեզուն, մշակույթը, արվեստն ու զարթոնքը և ճանաչել ու առաջ է շարժվում դիմադրության ու հաստատակամության ճանապարհով»,-ընդգծել է Հասան Ռոհանին:
