Ռոհանին իսլամական երկրների ղեկավարներին շնորհավորել է Ֆեթրի տոնի կապակցությամբ

ԻԻՀ նախագահը Ֆեթրի բարեբաստիկ տոնի առիթով առանձին շնորհավորական ուղերձներ է հղել իսլամական երկրների ղեկավարներին:

Կիրակի օրը՝ կեսօրից հետո Ֆեթրի բարեբաստիկ տոնի առիթով իսլամական երկրների ղեկավարներին հղած առանձին ուղերձներում ԻԻՀ նախագահ Հասան Ռոհանին հույս է հայտնել, որ այս բարեբաստիկ տոնի շնորհիվ հնարավոր կդառնա խաղաղության, անվտանգության ու կայունության հաստատմամբ և մուսուլմանների միասնականությամբ ու սրտակցությամբ  առավել քան երբևէ այս բարության ու գթության  կրոնից լուսավոր պատկեր ներկայացնել ողջ աշխարհին:

Իրանի նախագահն ընդգծել է.«Առաջնորդվելով իսլամ կրոնի վեհ ուսուցումներով, կկարողանանք միասնաբար  բռնությունը, ծայրահեղականությունը և ահաբեկչությունը հեռացնել իսլամական երկրներից»: