«Իրանը ձգտում է տարածաշրջանի խաղաղությանն ու կայունությանը». Ռոհանի
ԻԻՀ նախագահն ասել է.«Իրանը ձգտում է տարածաշրջանի խաղաղությանն ու կայունությանը: Իրանը փորձում է կանխարգելել թշնամու ներկայությունը տարածաշրջանում»:
Այսօր Թեհրանում կայացած Դատական իշխանության համագումարում Իրանի իսլամական հանրապետության նախագահ Հասան Ռոհանին նշել է. «Թշնամին սպառնում է Միջինարևելյան տարածաշրջանի խաղաղությանն ու զարգացմանը և փորձում է ապակայունացնել այն, որպեսզի իր զենքերը վաճառի և տարածաշրջանի ներքին գործերին միջամտելու հնարավորություն ստեղծի իր համար»:
Նշելով ,որ Իրանի քաղաքականությունն է կանխել ԱՄՆ-ի ազդեցությունը տարածաշրջանում, Ռոհանին հստակեցրել է. «Իրանի արտաքին քաղաքականության նպատակն է Եվրոպային, Չինաստանին և ՌԴ-ին կանգնեցնել ԱՄՆ-ի ընչաքաղցությունների դիմաց և դատապարտել Վաշինգտոնի միջամտողական քաղաքականությունները»:
Անդրադառնալով ՄԱԿ-ի Անվտանգության խորհրդում թիվ 2231 բանաձևի մասին ԱՄՆ-ի նախագծի շուրջ քննարկումների ձախողմանը, Իրանի նախագահը հավելել է.«Եվրոպան, Չինաստանը, Ռուսաստանը և այլ երկրները դեմ են արտահայտվել այս ամերիկյան նախագծի սկզբունքին»:
Անդրադառնալով «Համատեղ գործողությունների համապարփակ ծրագրի» իրագործման շրջանակում ԱՄՆ-ի թերացումներին ու խախտումներին, Իրանի գործադիր իշխանության ղեկավարը նշել է.«ՌԴ-ը ,Չինաստանն ու Եվրոպան մշտապես դեմ են հանդես եկել ԱՄՆ-ի կողմից ՀԳՀԾ-ի խախտմանը»:
