Իրանը ճշտորեն կատարում է ՀԳՀԾ-ի շրջանակներում հանձն առած պարտավորությունները
ՄԱԳԱՏԷ-ի ղեկավարը կրկին հայտարարել է, որ Իրանը միշտ կատարել է իր պարտավորությունները Համատեղ գործողությունների համապարփակ ծրագիր կոչվող համաձայնության շրջանակում:
Հինգշաբթի օրը Փարիզում Ֆրանսիայի արտգործնախարար Ժան Իվ լե Դրիանի հետ հանդիպման ժամանակ, հակադարձելով ԱՄՆ-ի նախագահի կեղծ հայտարարություններին, ՄԱԳԱՏԷ-ի ղեկավար Յուկիա Ամանոն ասել է.«Միջուկային ոլորտում ՀԳՀԾ-ի շրջանակում Թեհրանը կատարել է իր հանձնառությունները և առ այսօր մենք հասանելիություն ենք ունեցել բոլոր այն վայրերին, որտեղ ստուգումներ իրականացնելու կարիք է զգացվել»:
Մամլո ասուլիսի ժամանակ Ֆրանսիայի արտգործնախարարը ևս ընդգծել է, որ Իրանը հարգում է Վիեննայի միջուկային համաձայնությունը:
Ժան Իվ լե Դրիանն ասել է.«Վստահ ենք, որ Վիեննայի միջուկային համաձայնության հիմամբ՝ Իրանը ռազմական բնույթի միջուկային գործունեություն չի ծավալում և համաձայնության այդ հատվածը չափազանց կարևոր է»:
Նա նշել է, որ մինչ օրս Իրանի միջուկային աշխատանքներում խախտումներ չեն նկատվել և վստահորեն կարելի է ասել, որ Իրանի միջուկային գործունեության մասին ոչ մի մտահոգություն չկա:
ՀԳՀԾ-ի մասին հրապարակված ութ զեկույցներում ՄԱԳԱՏԷ-ն հաստատել է, որ Իրանը ճշտորեն կատարում է ՀԳՀԾ-ի շրջանակներում հանձն առած պարտավորությունները։
