Իրանը և Ավստրիան համատեղ առևտրի պալատ կբացեն
Իրանի արդյունաբերության , հանքերի, գյուղատնտեսության և առևտրի պալատի նախագահը և Թեհրանում Ավստրիայի դեսպանը քննարկել են համատեղ առևտրի պալատ բացելու հարցը:
Իրանի ռադիո-հեռուստատեսության լուրերի ծառայության հաղորդմամբ՝ Թեհրանում Ավստրիայի դեսպան Շտեֆան Շուլցի հետ հանդիպմանը, Ղոլամհոսեյն Շաֆեին ասել է.«Իրանի առևտրի պալատների նախագահները մոտ ապագայում Վիեննա են մեկնելու ՝ համատեղ առևտրի պալատ բացելու շուրջ մտքեր փոխանակելու նպատակով»:
«Իրանն ուշագրավ ներկայություն ունի Կովկասում, կենտրոնական Ասիայում, Իրաքում և Աֆղանստանում: Թեհրանը և Վիեննան կարող են այդ երկրների հետ եռակողմ համագործակցություն ծավալել».ասել է Շաֆեին:
Թեհրանում Ավստրիայի դեսպանն ասել է.«Իրանի հետ համագործակցելու համար Ավստրիայի կողմից մեկ միլիարդ դոլարի վարկի տրամադրումը եղել է Թեհրանի և Վիեննայի հարաբերություններում արված կարևոր քայլը : Ավստրիան կարող է բոլոր ոլորտներում Իրանի համար վստահելի գործընկեր լինել»:
2016 թվականին Իրանի և Ավստրիայի առևտրական փոխանակումների ծավալը կազմել է շուրջ 380 միլիոն եվրո: