ԻԻՀ ԱԳ նախարարը Թուրքիա է մեկնելու
ԻԻՀ ԱԳ նախարարը կիրակի՝ նոյեմբերի 19-ին Թուրքիա է մեկնելու իր թուրք և ռուս պաշտոնակիցների հետ սիրիական զարգացումները քննարկելու նպատակով:
ԻՌՆԱ գործակալության փոխանցմամբ՝ Անտալիայում կայանալիք մեկօրյա նիստում Մոհամմեդ Ջավադ Զարիֆը Մևլութ Չավուշօղլուն և Սերգեյ Լավրովը մտքերի փոխանակում են կատարելու Աստանայի բանակցությունների ընթացքի շուրջ:
Շաբաթ՝ նոյեմբերի 18-ին Թեհրանը հյուրընկալել է փորձագիտական մակարդակով Աստանայի բանակցությունների ընթացքը քննարկող Իրան-Ռուսաստան-Թուրքիա եռակողմ բանակցությունների հյուրերին:
Առ այսօր Աստանայում կայացել են բարձր մակարդակի բանակցությունների յոթ փուլեր ՝ Սիրիայի կառավարության , համապարփակ հրադադարն ընդունող զինյալ խմբերի ներկայացուցիչների, ինչպես նաև որպես Սիրիայում խաղաղության երաշխավորող եռյակ երկրներ ՝ Իրանի, Ռուսաստանի և Թուրքիայի մասնակցությամբ:
Բանակցությունների արդյունքը եղել է Սիրիայում լարվածության մեղմացումը:
