Լարիջանի. Իրանն ու Ռուսաստանը թմրաբիզնեսի դեմ պայքարում ընդլայնված համագործակցություն ունեն
Իրանի իսլամական խորհրդարանի նախագահը, ով մի պատվիրակություն գլխավորելով թմրաբիզնեսի դեմ պայքարի միջազգային համաժողովին մասնակցելու նպատակով Մոսկվա է ուղևորվել, ասել է. «Իրանն ու Ռուսաստանը թմրաբիզնեսի դեմ պայքարում ընդլայնված համագործակցություն ունեն»:
Կիրակի օրը Մոսկվայում լրագրողների հետ ճեպազրույցում ընդգծելով թմրաբիզնեսի դեմ պայքարի ուղղությամբ միջազգային համագործակցության անհրաժեշտությունը, Ալի Լարիջանին հավելել է. «Իրանն ու Ռուսաստանը, պետք է համախոհություն ունենան թմրաբիզնեսի դեմ պայքարի աղբյուրի և դրա մեթոդների շուրջ »:
Իրանի խորհրդարանի նախագահն ընդգծել է Մոսկվայում գումարվելիք Թմրաբիզնեսի դեմ պայքարի միջազգային համաժողովում խորհրդարանական փորձի փոխանակման անհրաժեշտությունը: Նա նմել է, որ, Մոսկվա կատարած իր ուղևորության նպատակն է մասնակցել թմրաբիզնեսի դեմ պայքարի համաժողովին և քննարկել այդ բնագավառում խորհրդարանների դերակատարությունը:
«Որոշ երկրներ, թմրաբիզնեսի ու ահաբեկչության դեմ պայքարի նպատակով Աֆղանստանում ներկայություն ունենալով, փորձեցին վերահսկել այդ հարցերը, սակայն նրանց ներկայության արդյունքում թմրադեղերի արտադրության ծավալը մի քանի անգամ հավելում կրեց»,-հայտարարել է Լարիջանին:
Նա նշել է, որ Իրանի ու Ռուսաստանի ներկայացուցիչների մասնակցությամբ երկկողմ նիստեր են գումարվելու: «Այդ նիստերի նպատակն է ընդլայնել Իրանում ներդրման համար ռուսական կարևոր ընկերությունների ներկայությունը». հավելել է Լարիջանին:
Թմրաբիզնեսի դեմ պայքարի միջազգային համաժողովն աշխարհի ավելի քան 40 երկրների խորհրդարանների նախագահների ներկայությամբ երկուշաբթի օրը կմեկնարկի Մոսկվայում:
