Շամխանի.«Մարդու իրավունքների նկատմամբ Իրանի ցուցաբերած ուշադրությունը Սահմանադրության նկատմամբ հարգանքի արդյունքն է»
Իրանի ազգային անվտանգության գերագույն խորհրդի քարտուղարը մարդու իրավունքների նկատմամբ ԻԻՀ-ի ցուցաբերած ուշադրությունը համարել է Սահմանադրության սկզբունքը հարգելու արդյունքը:
Շաբաթ օրը Իրանի քրեական օրենքներում մարդու իրավունքների սկզբունքների արձանագրման մասնագիտական համագումարում, Ալի Շամխանին ասել է.«Թեև քաղաքական միջավայրը թունավորելով տերությունները ձգտում են մարդու իրավունքների քողի տակ մարտահրավեր նետել Իրանին, դա չպետք է խոչընդոտ հանդիսանա հավանական թերությունների վերացման համար»:
Նշելով, որ արդարությունն ու ներումն Իսլամի ուսմունքի հիմունքներով դատական համակարգի սկզբունքներն են համարվում, Շամխանին հավաստել է.«Քրեական դատավարության ընթացակարգի հարգումը և ձերբակալման օրինական պատճառներին ուշադրություն դարձնելը համարվում են դատական ընթացակարգի որակավորման անհրաժեշտ հանգամանքները»:
Ըստ Շամխանիի՝ լրատվամիջոցները պետք է իրենց խոսուն լեզվով և դատական անձեռնմխելիության օգնությամբ, տեղեկատվություն փոխանցեն ցանկացած մակարդակում գրանցված կոռուպցիոն ռիսկերի մասին:
Իրանի քրեական օրենքներում մարդու իրավունքների սկզբունքների արձանագրման մասնագիտական համագումարը մեկնարկել է շաբաթ օրը՝ դեկտեմբերի 16-ին Թեհրանում:
