Ռոհանի. Սպորտը կենսունակության ու առողջության պատգամաբեր է և միացնում է ժողովուրդներին
ԻԻՀ նախագահն ասել է. «Սպորտը կենսունակության ու առողջության պատգամաբեր է և կարող է ազդել ժողովուրդների միջև հարաբերությունների սերտացման վրա»:
ԻԻՀ նախագահ Հասան Ռոհանին հինգշաբթի օրը՝ Թեհրանում, Ֆուտբոլի համաշխարհային ֆեդերացիայի նախագահ Ջիանի Ինֆանիտոյի հետ հանդիպման ժամանակ ասել է. «ՖԻՖԱ-ն, որպես ֆուտբոլի միջազգային բարձրագույն կառույց, նաև տարածաշրջանային ֆեդերացիաները պիտի զգուշանան, որպեսզի սպորտի հետ չառնչվող հայտարարություններն ու հարցերը չազդեն սպորտի վրա և ժողովուրդները չզրկվեն իրենց երկրների մարզադաշտերում իրենց սիրած մրցությունները դիտելուց»:
«Բարեբախտաբար իրանցի կանայք մեծ խանդավառությամբ ներկայություն ունեն մարզական ասպարեզներում: Այդ թվում կարելի է նշել ֆուտբոլի մարզաճյուղում 23 հազար կանանց ակտիվությանը»,-հայտարարել է ԻԻՀ նախագահն, անդրադառնալով մարզական տարբեր ասպարեզներում ու մասնավորապես ֆուտբոլում իրանցի կանանց ակտիվ ներկայությանն ու ցուցաբերած հետաքրքրությանը:
ՖԻՖԱ-ի նախագահ Ջիանի Ինֆանիտոն, իր ուրախությունը հայտնելով ԻԻՀ նախագահի հետ հանդիպման կապակցությամբ, նշել է. «ֆուտբոլն աշխարհի մասշտաբով հասարակական կարևոր դերակատարություն ունի և Իրանի ժողովուրդն իսկապես աշխարհի ամենաֆուտբոլասեր ժողովուրդնեից է»:
«Ֆուտբոլի համաշխարհային ֆեդերացիան մշտապես փորձել է սպորտի օգնությամբ բարելավել աշխարհի միջավայրը և Իրանի ֆուտբոլի մակարդակի բարձրացման համար պատրաստ է ցանկացած աջակցություն ցուցաբերել»,-հայտարարել է Ինֆանիտոն, ընդգծելով, որ ֆուտբոլի նպատակը ժողովուրդներին իրար մոտեցնելն է:
