Ղասեմի.«Իրանի դեմ անհիմն մեղադրանքները կրկնելով չի կարգավորվելու Բահրեյնի խնդիրը»
Հերքելով Իրանի դեմ Բահրեյնի անհիմն մեղադրանքները, Իրանի արտգործնախարարությունը հայտարարել է, որ խնդիրը ուրիշների վրա բարդելով և կեղծ մեղադրանքներ ներկայացնելով, չեն կարգավորվելու այդ երկրի խնդիրները:
Շաբաթ օրը Բահրեյնի ներքին գործերի նախարարությունը հայտարարել է, որ ձերբակալել է ահաբեկչության մեջ կասկածվող 116 անձանց, որոնք հովանավորվում էին Իրանի իսլամական հեղափոխության պահակազորի կողմից:
Բահրամ Ղասեմին բահրեյնցի պաշտոնատարներին խորհուրդ է տվել անվտանգության միջոցառումները խստացնելու փոխարեն, առիթ ստեղծել քաղաքացիների հետ երկխոսության համար:
Բահրեյնի Ներքին գործերի նախարարությունը հայտարարել է, որ ձերբակալված 116 անձանց մի մասը վերապատրաստվել են Իրանի, Լիբանանի Հեզբոլլահի և Իրաքում Դիմադրության խմբավորումների կողմից:
Բահրեյնի ռեժիմն անցած ավելի քան 7 տարիների ընթացքում սին մեղադրանքներով ձերբակալել է իր ավելի քան 11000 քաղաքացիների, ոմանց զրկել է քաղաքացիությունից և վտարել երկրից: Մարդու իրավունքների պաշտպանները հայտարարել են, որ Բահրեյնը, որպես արևմտյան Ասիայի ամենափոքր երկիր, ամենաշատ քաղբանտարկյալներն ունի:
