Ռահմանի Ֆազլի. «Համաշխարհային համագործակցությունն է թմրանյութերի հարցի լուծումը»
«Թմրանյութերի համաշխարհային խնդրի հիմնական լուծումը ՝ հմաշխարհային մասշտաբի կամքն ու ցանկությունը, ինչպես նաև կողմնակի ու քաղաքական խնդիրներից զերծ համագործակցության զարգացումն է». ասել է Իրանի Իսլամական Հանրապետության ներքին գործերի նախարարը:
Երկուշաբթի օրը Վիեննայում ՄԱԿ-ի թմրանյութերի հանձնաժողովի 61-րդ համաժողովում, Աբդոլռեզա Ռահմանի Ֆազլին ասել է.«Հաշվի առնելով թմրանյութերի դեմ պայքարի բոլոր ոլորտներում հաջող փորձերը՝ Իրանն իր պատրաստակամությունն է հայտնում այդ նենգ երևույթն արմատախիլ անելու նպատակով համագործակցելու համար»:
Իրանի ներքին գործերի նախարարը հայտնել է ՄԱԿ-ի թմրանյութերի հանձնաժողովին Իրանի աջակցության մասին, հավաստիացնելով. «Անհրաժեշտ է տարածաշրջանում թմրանյութերի դեմ պայքարող երկրների հետ միջազգային ու տարածաշրջանային կազմակերպությունների և երկրների հետ համագործակցությունը»:
Նրա խոսքով՝ միջազգային համագործակցությունների քաղաքականացման պատճառով թմրանյութերի հարցը շարունակում է մնալ հասարակությանը մտահոգող ու սպառնացող հարցը, որը վտանգում է տարբեր երկրների անվտանգությունը:
