Նաղավի Հոսեյնի. «Ամերիկացիները ՀԳՀԾ-ում մնալու մտադրություն չունեն»
Իրանի իսլամական խորհրդարանի ազգային անվտանգության հանձնաժողովի խոսնակն ասել է. «Թեհրանը ցանկանում է պահպանել միջուկային համաձայնությունը, սակայն ամերիկացիները նման մտադրություն չունեն, ինչը հստակորեն երևում է ԱՄՆ-ի քայլերից»:
Հոսեյն Նաղավի Հոսեյնին շաբաթ օրը Վիեննայում ՀԳՀԾ-ի համատեղ նիստի արդյունքների մասին ասել է. «Իրանն իր ողջ ջանքերը գործի է դրել բանակցության միջոցով միջուկային համաձայնությունը պահպանելու համար, սակայն Եվրոպայի և ամերիկացիների քայլերը հակառակն են ապացուցում»:
«Ցավոք ԱՄՆ-ն արտաքին քաղաքականության դաշտում նոր քայլեր է կիրառել, ինչպիսիք են նոր պատժամիջոցների սահմանումը։ Այդ քայլերը ցույց տվեցին, որ ԱՄՆ-ը միջուկային համաձայնությունում մնալու մտադրություն չունի». հավաստիացրել է Նաղավի Հոսեյնին:
«Միակողմանի հանձնառություններով ՀԳՀԾ-ի պահպանումն Իրանի համար շահեկան չէ: Ուստի խորհուրդ չենք տա՝ այդ փաստի հետ հույսեր կապել». ասել է նա:
