Իրանի հետ Ավստրիայի Oberbank-ի համագործակցությունը չի դադարեցվել
Թեհրանում Վիեննայի դեսպանը հերքել է Իրանի հետ Ավստրիայի Oberbank-ի համագործակցությունը դադարեցնելու մասին տարածված լուրերը, վստահեցնելով, որ ՀԳՀԾ-ի հարցում Թեհրանի հետ համագործակցության վերաբերյալ Վիեննայի քաղաքականությունը ոչ մի փոփոխություն չի կրել:
Վերջին օրերին որոշ լրատվամիջոցներ հայտարարել էին, որ Oberbank-ը Իրանի հետ համագործակությունը դադարեցրել է ԱՄՆ պատժամիջոցների պատճառով:
Իրանում Ասվտրիայի դեսպան Շտեֆան Շուլցը կիրակի օրն ԻՌՆԱ գործակալությանը տված հարցազրույցում ասել է. «Վիեննայի և Թեհրանի միջև բազմաթիվ համաձայնագրեր են ստորագրվել, որոնցից մի քանիսն այդ թվում՝ Քերմանի արեգակնային էլեկտրակայանի նախագծերն իրականացման փուլ են մտել»:
ԱՄՆ կառավարության վարած քաղաքականության և ՀԳՀԾ-ի դադարեցման հարցում Վաշինգտոնի ձեռնարկած քայլերի վերաբերյալ Ավստրիայի դեսպանն ասել է.«Չափից ավելի վատատեսության պատճառ չկա»:
