Իրանի ԱԳ նախարարը Պեկինից ուղևորվել է Մոսկվա
Չինաստանի ԱԳ նախարարի հետ հանդիպում ունենալուց հետո Իրանի ԱԳ նախարարն ուղևորվել է Ռուսաստանի մայրաքաղաք Մոսկվա: Այս մասին հաղորդել է ԻՍՆԱ լրատվական գործակալությունը:
Իրանի ԱԳ նախարար Մոհամմադ Ջավադ Զարիֆը կիրակի օրը Չինաստան կատարած մեկօրյա այցից հետո լրագրողների հետ ճեպազրույցի ժամանակ ասել է.«Իրանն ու Չինաստանը Համատեղ գործողությունների համապարփակ ծրագրի պահպանման կապակցությամբ ընդհանուր դիրքորոշում ունեն»:
Զարիֆը հավելել է.«Չինաստան կատարած այցի արդյունքում պայմանավորվածություն ձեռք բերվեց առաջիկա օրերին ու շաբաթներին սեղմ համագործակցություն ծավալել ՀԳՀԾ-ն պահպանելու վերաբերյալ ստեղծված «Գլոբալ կոնսենսուս»-ն ամրապնդելու շրջանակում Իրանի շահերի ապահովման օբյեկտիվ մեթոդներին հասնելու համար»:
Իրանի ԱԳ նախարարը երեկ սկսել է Չինաստան, Ռուսաստան և Բելգիա կատարելիք իր ուղևորությունը: Նա կիրակի օրը հանդիպել ու բանակցել է չինացի պաշտոնյաների հետ:
Զարիֆը Մոսկվայում հանդիպում ու բանակցություն է ունենալու ՌԴ ԱԳ նախարար Սերգեյ Լավրովի հետ:
