Ահաբեկիչները թիրախ են դարձրել Աֆղանստանը. Ղասեմի
ԻԻՀ ԱԳ նախարարության խոսնակը շաբաթ գիշեր դատապարտել է Աֆղանստանի Նանգերհար նահանգում տեղի ունեցած ահաբեկչական պայթյունը և ցավակցեց այդ երկրի կառավարությանն ու ժողովրդին:
ԻՌՆԱ-ի հաղորդման համաձայն, Բահրամ Ղասեմին նշել է, որ ահաբեկիչները թիրախ են դարձրել Աֆղանստանի կայունությունն ու անվտանգությունը: Նա ասել է. «Աֆղանստանի ժողովրդի թշնամիներն, ովքեր կայունությունն ու անդորրը և վերջին շրջանում գործադրված ջանքերն, այդ թվում կառավարության ու թալիբների միջև հրադադարի հաստատումը դեմ են համարում իրենց շահերին: Նրանք չհանդուրժեցին այդ երկրում միասնականության իրագործումը և մեկ այլ ոճիր գործելով ապացուցեցին, որ իրենց գոյությունը պայմանավորված է ոճիրներ գործելով ու պառակտում սերմանելով»:
«Մոտ ապագայում Աֆղանստանի կառավարությունն ու ժողովուրդը հաղթահարելու են միասնականությանը, կայունությանն ու անվտանգությանը խանգարող այս տարրերին և ահաբեկչության դեմ հաղթանակով ճաշակելու են իրենց դիմադրության ու համբերատարության արդյունքը»,-հայտարարել է Բահրամ Ղասեմին:
Շաբաթ երեկոյան Աֆղանստանի արևելքում գտնվող Նանգերհար նահանգում Աֆղանստանի անվտանգության ուժերի ու Թալիբան խմբի անդամների մասնակցությամբ կայացած նիստում տեղի ունեցած պայթյունի հետևանքով զոհվեց 22 և վիրավորվեց 34 մարդ:
Պայթյունի պատասխանատվությունն իր վրա է վերցրել ԻԼԻՊ-ը:
«Ֆեթր» բարեբաստիկ տոնի կապակցությամբ Աֆղանստանի կառավարությունը հունիսի 12-ից սկսած Թալիբան խմբի հետ մեկշաբաթյա հրադադար է հայտարարել:
