Եվրոպան շարունակում է աջակցություն ցուցաբերել ՀԳՀԾ-ին
Իրանի դեմ ԱՄՆ-ի միջուկային պատժամիջոցների վերականգնման հետ զուգահեռ Եվրահանձնաժողովն ուղերձ է հղել, որում ընդգծել է Համատեղ գործողությունների համապարփակ ծրագրին աջակցելու անհրաժեշտությունը:
Եվրահանձնաժողովը Twitter-ի իր էջում հրապարակել է ուղերձ, որում հայտարարել է, որ գործադրման է հանձնվել Եվրոպայի արգելափակման օրենքները, որպեսզի նվազի Իրանում ակտիվ ընկերությունների շահերի վրա ԱՄՆ-ի կիրառած պատժամիջոցների ազդեցությունը:
Ուղերձում ասված է.«Սա Եվրամիության աջակցության մի մասն է ՀԳՀԾ-ի իրագործումը շարունակելու համար»:
Գերմանիայի ԱԳ նախարար Հեյկո Մաասը գերմանական «Վեստ Ֆալիշե Ռոնդշաո» թերթին տված հարցազրույցում ասել է.«Իրանում գործող ընկերություններին վստահեցնում ենք, որ նրանք կպաշտպանվեն ԱՄՆ-ի պատժամիջոցների հետևանքներից»:
Մաասն ընդգծել է.«Եվրոպան վճռակամ է հովանավորել Իրանում աշխատող ընկերություններին»:
Գերմանիայի էկոնոմիկայի նախարարությունը ևս հրապարարակել է մի հաղորդագրություն, որում հայտարարել է, որ Գերմանիայի կառավարությունը կշարունակի երաշխիքներ տրամադրել գերմանական ընկերություններին Իրանում ներդրում կատարելու և արտահանումների համար:
«Գերմանական ընկերությունների համար Էկոնոմիկայի նախարարության ներդրումների ու արտահանումների երաշխիքները ուժի մեջ են». ասված է հաղորդագրության մեջ:
