Թեհրանն այսօր հյուրընկալում է Իրան-ՌԴ-Թուրքիա երրորդ եռակողմ նիստը
Աստանայի խաղաղության բանակցությունները երաշխավորող երկրների երրորդ եռակողմ նիստի շրջանակերում, Թեհրանն այսօր հյուրընկալում է Իրանի, ՌԴ-ի և Թուրքիայի նախագահներին:
Այս նիստը, որ այսօր Թեհրանում անցկացվում է Իրանի, ՌԴ-ի և Թուրքիայի նախագահներ Հասան Ռոհանիի, Վլադիմիր Պուտինի և Ռեջեբ Թայիբ Էրդողանի մասնակցությամբ, Սոչիում և Անկարայում անցկացված այս երեք երկրների նախորդ նիստերի շարունակություն է, որի հիմնական առանցքը Սիրիայում կայունության ու անվտանգության հաստատման հարցում տարածաշրջանային համագործակցության խնդրի քննարկումն է:
Աստանայի բանակցությունների ձևաչափով, երեք երկրների ներկայացուցիչներն առ այսօր 10 նիստ են գումարել, որոնց արդյունքները գնահատվել, հաստատվել ու վավերացվել են երեք նախագահների նախորդ երկու նիստերի ընթացքում:
Աստանայի բանակցությունների կարևորագույն առանցքը կազմել են Սիրիայի ճգնաժամին վերջ դնելու ճանապարհները և ահաբեկիչների դեմ պայքարի ձևը, ահաբեկիչների դեմ պայքարի հարցում Սիրիայի կառավարությանն օգնելու մոդելը, նվազ լարվածությամբ գոտիների ստեղծման և մարդասիրական օգնությունների առաքումն ընդլայնելու համար իրավիճակի նորմալացումը:
