Մոսկվան պնդում է, որ ԱՄՆ-ն միջամտում է Ռուսաստանի ներքին գործերին

Ներկայումս ռուս-ամերիկյան հարաբերությունները սառը պատերազմից հետո ամենավատ վիճակում են գտնվում: ԱՄՆ-ը փորձում է միջամտել Ռուսաստանի ներքին գործերին:

2016 թվականից ի վեր ԱՄՆ նախագահական ընտրություններում Ռուսաստանի միջամտության մասին մեղադրանքից հետո Վաշինգտոնը  պատժամիջոցներ է սահմանել Ռուսաստանի դեմ: Այս թշնամական գործողություններն արժանացել են Ռուսաստանի բարձրաստիճան պաշտոնյաների քննադատությանը:

Մոսկվայի պաշտոնյաները երկար ժամանակ է որ բողոքում են այդ երկրի ներքին գործերում ԱՄՆ-ի միջամտություններից: Միացյալ Նահանգները Ռուսաստանի ժողովրդին հրահրում է քաղաքացիական անհնազանդության և Ռուսաստանի իշխանությունների դեմ բողոքների ցույցեր անցկացնելու:

Ռուսաստանի արտաքին գործերի նախարար Սերգեյ Լավրովն ընդգծել է, որ Միացյալ Նահանգները, չնայած հարաբերությունների բարելավմանը փորձերին, աջակցում է Ռուսաստանի ներքին ընդդիմությանը՝ իշխանափոխության նպատակով: Նա շեշտել է, որ Մոսկվայի իշխանությունները փաստեր ունեն  Ռուսաստանի ներքին գործերին ԱՄՆ միջամտության մասին:

Լավրովի խոսքերով. «Ամերիկացի դիվանագետները բազմիցս մասնակցել են Ռուսաստանում ընդդիմության գործողություններին եւ իշխանափոխության կարգախոսներով ցույցերին»:

Ներկայումս ԶԼՄ-ների սոցիալական, լրատվամիջոցների և մարդասիրական առաքելության անվան տակ, Ռուսաստանում գործում են  բազմաթիվ ամերիկյան հասարակական կազմակերպություններ, որոնք իրականում հետապնդում են քաղաքական նպատակներ:

Այս ոչ կառավարական կազմակերպությունները  հիմնականում հովանավորվում են պետական պաշտոնյաների, ֆինանսիստների, կորպորացիաների և ԱՄՆ կոնգրեսականների կողմից: Նրանք ստեղծել են հասարակական ցանց, որը օգտվում է ընտրությունների և հասարակական բողոքների ձևավորման ժամանակ:

Բացի այդ, Ուկրաինայի ճգնաժամի հետևանքով Ռուսաստանի և Արևմուտքի միջև առաջացած լարվածությունը պատճառ է դարձել որ Արևմուտքը, հատկապես ԱՄՆ-ն,  փորձի Ռուսաստանում իշխանությունը թուլացնել և այս երկրում հաստատել արևմտյան արժեքներ ու մշակույթ:

Միացյալ Նահանգները Ռուսաստանի կառավարության դեմ  իր քարոզչական և հոգեբանական պատերազմները կենտրոնացրել է երկու հիմնական ոլորտներում` Ռուսաստանի ԶԼՄ-ների և քաղաքացիական հասարակության կազմակերպությունների և արևմտյան արժեքների, հատկապես ժողովրդավարության խթանման նպատակով:

Ռուսաստանի նախագահ Վլադիմիր Պուտինը նշել է, որ օտարերկրյա ոչ կառավարական կազմակերպությունները գործնականում ներգրավված են  Ռուսաստանի ներքին գործերին: Այդ կազմակերպությունները ձգտում են միջամտել Ռուսաստանի կառավարության աշխատանքին:

Ռուսաստանի կառավարությունը համոզված է, որ ներքին բողոքների ու անհանդուրժողականության պատճառը արտասահմանյան, հատկապես ամերիկացիների կողմից միջամտություններն են:

ՌԴ կառավարությունը անգամ հաստատել է օրենքներ, որոնք սահմանափակում են հասարակական կազմակերպությունների գործունեությունը, որոնք ֆինանսական օգնություն են ստանում արեւմտյան երկրներից, մասնավորապես՝ Միացյալ Նահանգներից:

Այսպես, բացի տնտեսական, քաղաքական և ռազմական ոլորտներին դիմակայելը ռուս-ամերիկյան պայքարը թևակոխել է հանրային դիվանագիտության և փափուկ պատերազմի ոլորտներ:

Մոսկվան, գիտակցելով դա, ԱՄՆ-ի ընդհանուր քաղաքականությանը համահունչ սահմանափակել կամ արգելել է բոլոր տեսակի ոչ կառավարական կազմակերպությունների գործունեությունը, որոնք իշխանափոխության նպատակներ են հետապնդում: