Ավարտվում է Իրանի և Եվրոպայի ֆինանսական մեխանիզմի ստեղծման գործընթացը
ԱՄՆ-ի կառավարությունը երեկ հայտարարել է, որ Իրանի դեմ բոլոր պատժամիջոցները կիրականացվեն հաջորդ երկուշաբթի: Հայտարարությունը հրապարակել է ԱՄՆ պետքարտուղար Մայք Պոմպեոն և գանձապետարանի քարտուղար Սթիվ Մենոչինը:
Վաշինգտոնի այս քայլը արվել է այն պայմաններում, երբ Եվրամիության արտաքին քաղաքանության հանձնակատար Ֆեդերիկա Մոգերինին և Բրիտանիայի, Ֆրանսիայի ու Գերմանիայի արտգործ և ֆինանսների նախարարությունները համատեղ հայտարարությամբ քննադատել են Վաշինգտոնի կողմից հակաիրանական պատժամիջոցները վերսկսելու որոշումը:
Եվրոպական երկրների ներկայացուցիչները հայտարարել են, որ միջազգային բազմակողմանի միջուկային համաձայնությունը արդյունավետ է: Ատոմային էներգիայի միջազգային գործակալությունը (ՄԱԳԱՏԷ) ևս բազմիցս հաստատել է, որ Իրանը հավատարիմ է ՀԳՀԾ-ի շրջանակում ստանձնած բոլոր պարտավորություններին:
Այս պահին, Եվրոպացիների ակնկալիքն այն է, որ Իրանը հավատարիմ մնա անցյալի շրջանակներում ստանձնած պարտավորություններին: Թեհրանը, սակայն, հայտարարել է որ միչև այն ժամանակ հավատարիմ կմնա ՀԳՀԾ-ին, քանի դեռ կապահովվեն նպատակային շահերը, մասնավորապես, կնվազի ԱՄՆ պատժամիջոցների ազդեցությունը: Միևնույն ժամանակ, եվրոպացիները ընդգծել են իրենց վճռականությունն օգնելու Իրանին՝ շարունակել նավթի ու գազի արտահանումը, որը Թեհրանի հիմնական պահանջներից է:
Եվրոպայի հաղորդագրության մեջ ասված է .«Որպես ՀԳՀԾ-ի կողմ, մենք պարտավորվում ենք պահպանել մեր և Իրանի միջև ֆինանսական կապերը և այդ երկրի նավթի ու գազի արտահանումը»:
Եվրոպան պետք է աշխատի նաև Ռուսաստանի և Չինաստանի հետ, որոնք պատրաստ են աջակցել ՀԳՀԾ-ի պահպանմանը:
Վերջին շաբաթների ընթացքում ջանքեր են գործադրվել Եվրոպական նախաձեռնությամբ հատուկ ֆինանսական մեխանիզմ ստեղծելու( SPV ) համար: Ֆինանսական նոր համակարգը հնարավորություն է ընդձեռնում եվրոպացի արտահանողների ու ներկրողների համար օրինական առևտուր իրականացնել Իրանի հետ:
Ֆրանսիայի ֆինանսների նախարար Բրունո Լը Մերն ասել է, որ Թեհրանի դեմ Վաշինգտոնի պատժամիջոցներն անկախ ֆինանսական կառույցներ առաջացնելու առիթ են ստեղծում եվրոպացիների համար:
Եվրոպայի բարձրաստիճան պաշտոնյաների եւ եվրոպական հասարակական կարծիքի տեսանկյունից, Իրանի դեմ ԱՄՆ միջուկային պատժամիջոցները ոչ միայն անօրինական են, այլև կհանգեցնեն աշխարհում ֆինանսական եւ առեւտրային անկայունության:
Ամերիկացիներն անտեսելով Եվրոպայիքայլերը, ՀԳՀԾ-ի պահպանման համար փորձում են արգելափակել առեւտրի, ֆինանսական եւ էներգետիկ իրավական մեխանիզմի փոխհարաբերությունները Իրանի հետ:
Եվրամիությունը պետք է լուրջ քայլեր ձեռնարկի ԱՄՆ-ի նախագահ Դոնալդ Թրամփի միակողմանի և բռնի քաղաքականությունները կանխելու համար: Եվրոպական ջանքերը պետք է ակտիվ եւ արդյունավետ լինեն, որպեսզի Իրանը շարունակի հավատարիմ մնալ ՀԳՀԾ-ին:
