Իրանական նավը կալանավորելով, Բրիտանիան ապացուցեց, որ կախված է Միացյալ Նահանգներից
Իրանի Իսլամական Հանրապետության արտաքին գործերի նախարարը հայտարարել է, որ իրանական տանկերի կալանավորումը Ջիբրալթարի նեղուցում, վկայում է, որ Բրիտանիա կախված է Միացյալ Նահանգներից:
Մոհամմադ Ջավադ Զարիֆը Լիբանանի «Ալմայադին» հեռուստատեսությանը տված հարցազրույցում ասել է, որ Բրիտանիայի կողմից Ջիբրալթարի նեղուցում, իրանական տանկերի կալանավորումը ծովահենություն է և Բրիտանիան պաշտոնապես հայտարարեց, որ Միացյալ Նահանգների ծառան է և կատարում է այդ երկրի պահանջները:
Անցած հինգշաբթի օրը, Բրիտանիայի ծովուժը Ջիբրալթարի նեղուցում կալանավորեց իրանական նավթատարը: Պատճառն այն է, որ Իրանը խախտել է Եվրամիության կողմից Սիրիայի դեմ սահմանված պատժամիջոցները:
Իրանի ԱԳՆ-ն մերժել է Բրիտանիայի այս պնդումը և պահանջել, որ իրանական տանկերը հնարավորինս շուտ ազատվի կալանքից և շարունակի իր ծովային չանապարհը:
Բրիտանիայի կառավարությունը իրանական տանկերը առգրավել է այն պայմաններում, երբ նավը չի խախտել որևէ ծովային օրենք և դա միայն քաղաքական քայլ է, որը կատարվել է ԱՄՆ-ի պահանջով: Միացյալ Նահանգներն օգտագործելով պատժամիջոցների պատրվակը, Բրիտանիայից պահանջել է Ջիբրալթարի նեղուցում կալանավորել Իրանի նավթատար տանկերը:
Իսպանիայի ԱԳՆ Ջոզեֆ Բորելը հայտարարել է, որ բրիտանական նավատորմը ԱՄՆ-ի խնդրանքով է կալանավորել իրանական նավը:
Ջիբրալթարի ոստիկանության խոսնակը հայտարարել է, որ Grace-1 նավթատարի կապիտանը և նրա օգնականը,հինգշաբթի օրը ձերբակալվել են՝ ԵՄ պատժամիջոցները խախտելու մեղադրանքով:
Բրիտանական կառավարության քաղաքական խաղը ցույց է տալիս, որ այդ երկիրը փորձում է բաժանվել Եվրամիությունից և ավելի շատ մոտենալ ԱՄՆ-ին: Օտարերկրյա պատժամիջոցների կիրառումը, որին դեմ էր Եվրամիությունը, ցույց է տալիս Միացյալ Նահանգների հետ բրիտանական համագործակցությունը:
Միացյալ Նահանգների հետ Բրիտանիայի բարեկամությունը, ոչ միայն իրանական նավթատարի կալանավորման դեպքում, այլ նաև Իրանի ու Բրիտանիայի քաղաքական հարաբերությունների պատմության ընթացքում (օրինակ, Իրանի նավթային արդյունաբերության ազգայնացման տարիներին Մուսադեղի կառավարության ժամանակ), ակնհայտ է: Պատմական այդ հատվածում Բրիտանիայի կառավարությունը խոչընդոտում էր իրանական նավթի վաճառքը:
Բրիտանիայի ռազմածովային ուժերի կողմից Ջիբրալթարի նեղուցում իրանական տանկերի կալանավորումը, Սիրիայի պատժամիջոցները խախտելու պատրվակից բացի, ԱՄՆ-ի կողմից սահմանված անօրինական և միակողմանի պատժամիջոցներին ենթարկվելու մասին է վկայում, որի նպատակն է խոչընդոտել իրանական նավթի արտահանումը:
Բրիտանիայի կառավարության այս քաղաքական դիրքորոշմանը չի համապատասխանում ՀԳՀԾ-ի պահպանման համար այդ երկրի հայտարարություններին: ՀԳՀԾ-ի պահպանումը կախված է Իրանի տնտեսական շահերի պաշտպանությունից և դրա հիմնական մասը կազմում է Իրանի նավթի վաճառքը:
Բրիտանայի կառավարությունը, իր նոր քայլով, փոխարեն ՀԳՀԾ-ի շրջանակում օգնի Իրանին իր նավթի վաճառքի հարցում, ԱՄՆ-ի հակաիրանական ուղղությամբ է ընթանում, որն Իրանի ժողովրդի դեմ տնտեսական ահաբեկչություն է իրականացնում:
