Զարիֆի այցը Բոլիվիա
ԻԻՀ ԱԳՆ Զարիֆը, Հարավային Ամերիկա կատարած իր այցի շրջանակներում, այցելել է Բոլվիա: Մինչ այդ, Զարիֆը հանդիպել էր Նիկարագուայի և Վենեսուելայի պաշտոնյաների հետ:
Չմիավորման շարժման բյուրոյի նախարարական նիստի շրջանակներում կատարված այս այցերն ու հանդիպումները շատ կարևոր են: Դրանք և ՄԱԿ-ի տնտեսական ու սոցիալական խորհրդի նիստի շրջանակներում կատարած այցերը, վկայում են Իրանի դիվանագիտական զարգացվածության բարձր աստիճանի մասին, պարտության մատնելով Թեհրանին մեկուսացնելու Վաշինգտոնի ջանքերը: Իրանն այսպիսով մեկ անգամ ևս փորձեց ակտիվանալով միջազգային ասպարեզում, դիմակայել Վաշինգտոնի միակողմանի քաղաքականությանը:
Զարիֆի այս այցերն ու հանդիպումներն այն պայմաններում, երբ վերջերս ԱՄՆ-ն սահմանափակումներ էր կիրառել Նյու Յորքում նրա այցի ժամանակ, ցույց տվեցին Իրանի դիվանագիտության ուժը:
Այցերն արժանացան մեծ ուշադրության: Դրանց, իրենց Թուիթերի էջերում անդրադարձան նաև ԱՄՆ նախագահն ու ազգային անվտանգության հարցրեով խորհրդականը:
Թրամփն այս կապակցությամբ գրեց. «Զարիֆը Կարակասում Նիկոլաս Մադուրոյի կողքին, իրեն զգում էր ասես տանը»:
Չմիավորման շարժման բյուրոյի նախարարական նիստում ունեցած Զարիֆի ելույթն ավելի մեծ կարևորություն տվեց այս այցերին:
Կարակասում կայացած Չմիավորման շարժման բյուրոյի նախարարական նիստում, Զարիֆը քննադատեց ԱՄՆ-ի միակողմանի քաղաքականությունը, նշելով, որ այն լուրջ խնդիրներ է առաջացրել Չմիավորման շարժման անդամ երկրների համար: Նա նշեց, որ այս քաղաքականությունը միջազգային մակարդակով թուլացնում է օրենքի իշխանությունը և վտանգում համաշխարհային խաղաղությունն ու անվտանգությունը:
ԻԻՀ ԱԳ նախարարն անդրադառնալով ի շահ ժողովուրդների համագործակցության խորացման Չմիավորման շարժման անդամների ջանքերին, նշել է. «Այժմ, երբ միջազգային օրինականությունը սպառնալիքի տակ է, շարժման անդամները պետք է միասնությամբ դիմակայեն այս սպառնալիքին: Հակառակ դեպքում, մենք պարտվելու ենք»:
Իրանը և Հարավային Ամերիկայի երկրները, չնայած աշխարահագրական մեծ տարածությանը, համագործակցում են քաղաքական, տնտեսական ու մշակութային ոլորտներում: Իրանն իր համագործակցությունները ծավալում է հատկապես այնպիսի երկրների հետ, ինչպես՝ Կուբան և Վենեսուելան, որոնք ունեն հակաիմպերիալիստական ուղղվածություն և կիսում են այս կապակցությամբ Իրանի տեսակետները:
Իրանը նման շրջանակներում կարևորելով տարածաշրջանային և արտատարածաշրջանային համագործակցությունները, փորձում է բազմակողմանի կապեր հաստատել լատինաամերիկյան երկրների հետ: Եվ Զարիֆի վերջին այցն այս առումով որոշակի ձեռքբերումներ է ունեցել: