Բորիս Ջոնսոն. Հոկտեմբերի 31-ին կգործադրվի կոշտ Բրեքզիթ
Բրիտանիայի կողմից Բերքզիթի վերաբերյալ բանակցությունները վերսկսելու կոչին Չնայած Եվրամիության ընդդիմությանը, Բրիտանիայի նորընտիր վարչապետ Բորիս Ջոնսոնը հայտարարել է, որ հոկտեմբերի 31-ին այդ երկիրը դուսր կգա ԵՄ-ից:
Բրիտանիայի վարչապետի պաշտոնում ընտրվելուց հետո, Բորիս Ջոնսոնը հայտարարել է, որ հոկտեմբերի 31-ին Բրիտանիան ամեն գնովդ ուսր կգա ԵՄ կազմից: Այս հայտարարությունից հետո, Լոնդոնի և Բրյուսելի միջև լարվածությունն աճել է: Ջոնսոնը կողմ է Բրիտանիայի՝ Եվրամիությունից պայմանագրով դուրս գալուն: Բրեքզիթից հետո, Լոնդոնը վերադարձի իևրավուքն չի ունենալու:
Այս դեպքում, Հյուսիսային Իռլանդիան ժամանակավոր կմնա ԵՄ մաքսային միության և ընդհանուր շուկայում:
Սա այն դեպքում երբ ԵՄ պաշտոնյաները բացահայտորեն մերժել են բանակցությունների վերսկսման առաջարկները և Ջոնսոնին կոչ են արել չմտածել Բրեքզիթի շուրջ պայմանավորվածությունը փոխելու մասին: ԵՄ պաշտոնյաները նաև զգուշացրել են Ջոնսոնին առանց համաձայնության Բերքզիթի հետևանքների մասին:
Հոկտեմբերի 31-ին ԵՄ-ից Բրիտանիայի դուրս գալու մասին Ջոնսոնի հայտարարությունը վերջին օրերին մեծապես ազդել է Բրիտանիայի տնտեսության վրա: Բրիտանիայի գործատուների կազմակերպությունը առանց համաձայնության Բրեքզիթը շատ հավանական է համարել և բրիտանական ընկերություններին կոչ է արել արագացնել այդ ուղղությամբ իրենց քայլերը:
Վերջին շաբաթների ընթացքում բրիտանական ֆունտի արժեքը հասել է իր ամենացածր մակարդակին 2017 թվականից ի վեր, Բրեքզիթի շուրջ համաձայնության չհասնելու հետևանքով, ֆունտի արժեզրկումը շարունակվում է: Տնտեսական փորձագետները նախազգուշացրել են այս տենդենցի շարունակության և Բրիտանիայի տնտեսության վրա դրա վնասակար հետևանքների կապակցությամբ: Հարյուրավոր ընկերություններ և գործարաններ մինչ օրս փակվել են Բրեքզիթի պատճառով, կամ փորձում են նվազեցնել աշխատակիցների թիվը:
Ֆրանսիական Peugeot ավտոշինության ընկերությունը հայտարարել է, որ կոշտ Բրեքզիթի դեպքում փակելու է իր գործարանը Բրիտանիայում:
Nissan- ը նույնպես հայտարարել է, որ Բրիտանիայում կրճատելու է աշխատուժը, դադարեցնելու է ներդրումները և նոր մեքենաների արտադրությունը:
Տնտեսագետների կարծիքով, առանց համաձայնության Բրեքզիթը դեֆիցիտ կառաջացնի Բրիտանիայում, ինչը տատանում կառաջացնի ֆինանսական շուկաներում և կթուլացնի Լոնդոնի դիրքը, որպես միջազգային ֆինանսական կենտրոն:
Կանխատեսումների համաձայն, Բրիտանիայի տնտեսական աճը կնվազի 8% -ով: Սակայն Բրիտանիայի վարչապետը պնդում է, որ նա նոր համաձայնագրով կամ առանց դրա կիրականացնի Բրեքզիթը: Բրիտանիայի իշխանությունները նոր շուկաներ են փնտրում՝ Բրեքզիթի իրականացման հետևանքները կանխելու համար:
Չնայած Բրիտանիայի պաշտոնյաները փորձում են ավելի լավ պատկերացում կազմել երկրի տնտեսական իրավիճակի ապագայի մասին, սակայն կոշտ Բրեքզիթի գործադրման արդյուքնում, բրիտանացիները ապագայում հայտնվելու են տնտեսական ծանր պայմաններում: