Սպիտակ Տանը «ոչ» ասելու համար պատժամիջոցներ են կիրառվել Զարիֆի դեմ
Լրագրողների հետ մամլո ասուլիսում, անդրադառնալով անցած ամիս Նյու-Յորք կատարած այցելությանը, Իրանի արտգործնախարար՝ Մոհամմեդ Ջավադ Զարիֆն ասել է.«Այդ այցի ընթացքում ինձ ասացին երկու շաբաթվա ընթացքում իմ դեմ պատժամիջոցներ կկիրառվեն, միթե այն դեպքում որ ընդունեմ ԱՄՆ-ի նախագահի հետ հանդիպման առաջարկը»:
Երկուշաբթի օրը կայացած այդ ասուլիսում, նշելով, որ ամերիկացիների համար խոսքի ազատություն գոյություն չունի, Զարիֆն ասել է.«Բանակցությունն ու դիվանագիտությունը երբեք չեն ավարտվում և ես շարունակելու եմ իմ աշխատանքը»:
ԱՄՆ-ի գանձապետարանը անխոհեմ քայլի դիմելով, օգոստոսի առաջին օրը, Իրանի արտգործնախարարի անունն ընդգրկել է պատժամիջոցների ենթարկված անձանց ցուցակում:
Սպիտակ Տուն մուտք գործելուց հետո, ԱՄՆ-ի նախագահ՝ Դոնալդ Թրամփը բազմիցս խախտել է միջազգային օրենքները և հրաժարվելով միջուկային համաձայնություններից, այդ թվում ՀԳՀԾ-ից զարմանք է պատճառել միջազգային հանրությանը:
Զարիֆը պատմելով թե ԱՄՆ-ը ինչու է իր դեմ պատժամիջոց կիրառել, անդրադարձել է այդ երկրի մարտահրավերներից մեկին: Զարիֆն անդրադարձել է մի կետի, որ միգուցե այնքան էլ անսպասելի չլինի հանրային կարծիքի համար, սակայն ԱՄՆ-ի այդ վերաբերմունքը հաստատ ցավ է պատճառել միջազգային հանրությանը:
Միջագային համաձայնություններից ու կազմակերպություններից դուրս գալով, արաբ շեյխերին «կաթնատու կով», իսկ Ֆրանսիայի նախագահ՝ Էմանուել Մակրոնին հիմար բնութագրելով, ԱՄՆ-ի կառավարությունը փորձում է աշխարհին այն ուղերձը փոխանցել, որ ԱՄՆ-ը կարող է իր տիրակալությունը պարտադրել այլ երկրներին: Սակայն Իրանի արտաքին դիվանագիտության գերատեսուչ՝ Մոհամմեդ Ջավադ Զարիֆը քաղաքական իրատեսությամբ, աշխարհին ի ցույց է դրել ԱՄՆ-ի իրական էությունն ու հակասությունները:
Զարիֆն ընդգծել է, որ գերիշխանության, գերտերության և բռնազավթման դարաշրջանն ավարտվել է, հավելելով.«Ամերիկան չի կարող անգամ կոալիցիա կազմել, քանի որ երկրներն ամաչում են իրենց անունը հայտնվի ԱՄՆ-ի անվան կողքին»:
Կարևորելով Պարսիցծոցյան համագործակցության խորհրդի հետ հարաբերությունների ընդլայնումը, Զարիֆը կարևորել է տարածաշրջանային երկխոսության ֆորումի սրտեղծումը և միմյանց դեմ ոտնձգություն չկատարելու դաշինքի կնքումը: Զարիֆը բանակցությունը Սաուդյան Արաբիայի, ԱՄԷ-ի և տարածաշրջանի բոլոր երկրների օգտին է բնութագրել:
Նյու-Յորքում ամերիկյան լրատվամիջոցներին տված հարցազրույցում, Իրանի արտաքին գերատեսչության ղեկավարն անդրադարձել է «Բի» խմբին, ասելով.«Բոլթոնը, Բեն զաեդը, Բեն Սալմանն ու Բենիամին Նեթանյահուն մտադիր են ԱՄՆ-ին դրդել պատերազմել Իրանի դեմ»:
ՆԱՏՕ-ում ԱՄՆ-ի նախկին դեսպան՝ Ռոբերթ Էյ. Հանթերը Լոբլագ կայքում գրել է.«Մրցակից կամ անգամ թշնամի պետության ամենաավագ դիվանագետի դեմ պատժամիջոցներ կիրառելը շատ արտասովոր քայլ է և դիվանագիտական բոլոր սկզբունքների խախտում է համարվում»:
Թրամփի օգնականներն խորհրդականներն ակնկալում էին, որ Իրանի դիվանագիտությունը հանձնվելու է ԱՄՆ-ի սպառնալիքների դիմաց, սակայն այդ նպատակը երազանք է մնալու ԱՄՆ-ի համար:
Ինստագրամում Մոհամմեդ Ջավադ Զարիֆը գրել է.«Իրանի խիզախ ժողովրդին պաշտպանելու համար պատժի ենթարկվելն ամենամեծ պարծանք է ինձ համար»: