Մեկնաբանություն. Սաուդյան Արաբիան կոտորում է Եմենի աղքատ ժողովրդին
Սաուդյան Արաբիան Եմենում բազմաթիվ դժվարությունների առջև է կանգնել: Եմենի պատերազմից 5 տարի անց, Սաուդյան Արաբիան ոչ միայն որևէ առաջխաղացում չի գրանցել, այլ ընդհակառակը, Եմենի բանակն ու աշխարհազորայիններն ավելի են հզորացրել իրենց պաշտպանական կարողությունը:
Մյուս կողմից, Սաուդյան Արաբիայի ղեկավարած կոալիցիայի անդամների միջև տարաձայնություններն ավելի են խորացել: Այդ տարաձայնություններն առկա են ոչ միայն Ռիադի ու Աբու Դաբիի միջև, այլ նաև Մանսուր Հադիի կողմից ղեկավարվող պաշտոնանկ եղած կառավարության ու անցումային խորհրդի միջև: Անցումային խորհուրդն իրեն անկախ հռչակելով, Եմենի պաշտոնանկ եղած կառավարության համար վերածվել է լուրջ մրցակցի, ինչի հետևանքով, Սաուդյան Արաբիան լրջորեն քննադատության է ենթարկվել նախկին պաշտոնյաների և ազգային փրկության կառավարության կողմից:
Եմենի ազգային փրկության կառավարության պաշտոնյաները Սաուդյան Արաբիային քննադատում են պատերազմը շարունակելու, հրադադարի ռեժիմը չպահպանելու և ենթակառուցվածքները ոչնչացնելու և հումանիտար աղետ առաջացնելու մեջ:
Թեհրանում Եմենի դեսպան Էբրահիմ Դեյլամին, Iran Press լրատվական գործակալությանը տված հարցազրույցում, ասել է, որ Եմենի դեմ պատերազմի հետևանքով առաջացած ներքին խնդիրների պատճառով, ինչը թուլացրել է գահ բարձրանալու Բին Սալմանի հնարավորությունը, Ռիադը չի ցանկանում, որ պատերազմն ավարտվի:
Եմենի դեմ Սաուդյան Արաբիայի կողմից մղվող պատերազմը ոչնչացրել է այդ երկրի ենթակառուցվածքների 80 տոկոսը և առաջացրել հումանիտար աղետ, հատկապես առողջապահական և սննդի ոլորտներում: Եվ դա այնպիսի երկրում, որն ամենաաղքատն է արաբական երկրների թվում՝ նախկին իշխանությունների վարած քաղաքականության պատճառով:
Այսօր Եմենի 24 միլիոն բնակչությունից ավելի քան 22 միլիոն մարդ, ունի հումանիտար օգնության կարիք:
Դեյլամին նշել է, որ պատերազմի հետևանքներն առկա են առողջապահության, սննդի, տնտեսկան ու կենցաղային ոլորտներում:
Պետք է ասել, որ Եմենի ազգային փրկության կառավարության քննդատություններին են միացել մի շարք նախկին պաշտոնյաներ, նշելով, որ Սաուդյան Արաբիայի գործունեության պատճառով, Եմենի հարավում անցումային խորհրդի դիրքերն ավելի են ուժեղացել:
Եմենի նախկին վարչապետի տեղակալ Ահմադ Մոյասարին համոզված է, որ Ադենում ու Սաղաթրիում Էմիրություննրի հովանու ներքո անցումային խորհրդի գործունության վերաբերյալ Ռիադի լռությունը, նպաստում է այդ խորհրդի քայլերին: Նա համոզված է, որ Սաուդյան Արաբիան դերակատար է եղել անցումային խորհրդի անկախացման հարցում, այդպիսով որոշակի արտոնություններ տալով Էմիրություններին:
Այսպիսով, պետք է ասել, որ Եմենի դեմ պատերազմը ոչ միայն Սաուդյան Արաբիայի օգտին չէ, այլ դրա արդյունքում Սաուդյան Արաբիայի ներքին ու տարածաշրջանային խնդիրներն ավելի են մեծացել: