Մեկնաբանություն. Իրանի քայլերը՝ ռազմական կանխարգելիչ հնարավորությունների բարձրացման ոլորտում

Երկրի ուղեծրում իրանական «Նուռ 1» արբանյակի տեղակայումից անցել է մեկ շաբաթ և ՄԱԿ-ում Իսրայելի զավթիչ ռեժիմի ներկայացուցիչը, ԱՄՆ-ի հետ համաքայլ ու Իրանի նկատմամբ գործադրվող քաղաքականության շրջանակում, նամակ է հղել ՄԱԿ-ի ԱԽ-ին:

Ջերուսալեմ փոսթ օրաթերի հաղորդման համաձայն, Դենի Դենոնն, ԱԽ-ին ուղղված նամակում, կրկնելով Իրանի դեմ ուղղված անհիմն մեղադրանքները, պահանջել է երկարաձգել Իրանի զենքի էմբարգոն:

Իրանի առաջին ռազմական արբանյակը գործարկվեց ապրիլի 22-ին և տեղակայվեց ուղեծրում ՝ երկրից 425 կմ հեռավորության վրա:

Իրանի ռազմական արբանյակի գործակումը լայն արձագանք գտավ աշխարհում, սակայն ԱՄՆ-ը ու մի խումբ եվրոպական երկրներ, փորձեցին տարբեր ձևերով նվազեցնել այս մեծ ձեռքբերման կարևորությունը և մյուս կողմից, այս քայլը բնութագրել որպես  ՄԱԿ-ի ԱԽ 2231 բանաձևի խախտում ու սպառնալքի ամբողջ աշխարհի համար: Դա իհարկե անսպասելի չէր:

Ռազմավարական հարցերի փորձագետ Ամին Հաթիթն իրանական արբանյակի ուղեծրում տեղակայումը հաջող քայլ է  որակել, որն ամբողջ աշխարհին ու տարածաշրջանին անակնկալի բերեց: Նա նշել է. «Անշուշտ, ԱՄՆ-ը ու Սիոնիստական ռեժիմը դժգոհ  էին լինելու այս քայլից և փորձելու էին հակաիրանական  նոր արշավ սկսել, քանի որ Իրանը տիրացել է նոր տեխնոլոգիայի»:

Իրանի այս քայլը մեծ ձեռքբերում է տիեզերական ոլորտում և հատկապես կարևոր է երկրի զինված ուժերի համար:

ԻԻՀ ԶՈՒ ԳՇ պետ Մուհամմադ Բաղերին, շաբաթ օրը Թեհրանում հայտարարել է, որ ԻՀՊԿ օդուժի կողմից արբանյակի տեղակայումը ուղեծրում, երկրի գիտատեխնիկական և խելացի ծրագրերից  էր: Նա հավելել է. «Ներքին կարողություններով «Նուռ 1» արբանյակի գործարկումը,  ուժի հավասարակշռությունը փոխեց հօգուտ Իրանի»:

Այս քայլը թշնամիներին պարտության մատնեց ինֆորմացիոն ոլորտում: Այս կարողությունը ռազմավարական նշանակություն ունի և մեծ հաջողություն է համարվում Իրանի համար: Բացի այդ, այն վկայում է կորոնավիրուսի դեմ պայքարում և միաժամանակ տիեզերքում ներկայություն հաստատելու ԻՀՊԿ կարողության մասին:

Անցած չորեքշաբթի օրը, այս կապակցությամբ ելույթում, ԻԻՀ առաջնորդ Այաթոլլահ Խամենեին, կարևորելով այս քայլը,  նշել է «Եթե  մենք կարողանում ենք 7500 կմ վայրկյան  արագությամբ արբանյակ տեղադրել ուղեծրում, կամ պաշտպանական արդյունաբերության  ոլորտում մեծ առաջխաղացումներ ունենալ, ուրեմն արտադրության ոլորտում նույնպես կարող ենք մեծ ձեռքբերումներ արձանագրել»: