Մամուլի տեսություն 10․08․2020
Միացյալ Նահանգներում շարունակվում են հակառասիստական ցույցերը: Բողոքարարներն իրենց երկրի դրոշի հրկիզման մասին ասում են.«Մենք հրկիզել ենք ԱՄՆ-ի դրոշը, մենք ուզում ենք հեղափոխություն անելով փրկվել այդ համակարգից»:
«Քեյհան» օրաթերթ
Մենք հրկիզում ենք ամերիկյան դրոշը, քանի որ այն ողջ աշխարհում ահաբեկչության խորհրդանիշ է դարձել
Աֆրոամերիկացի Ջորջ Ֆլոյդի դաժան սպանությունից 77 օր անց, ԱՄՆ-ի որոշ շրջաններում շարունակվում են հակառասիստական բողոքի ակցիաները, որոնց ընթացքում տեղի ունեցած ուշագրավ դեպքերից է եղել այդ երկրի քաղաքացիների կողմից ԱՄՆ-ի դրոշի հրկիզումը: Լրատվամիջոցների կողմից վերջերս հրապարակված տեսանյութում ամերիկացի ցուցարարը բացատրում է, թե ինչու է իր երկրի դրոշը հրկիզել:Նա ասում է.«Մենք հրկիզել ենք ԱՄՆ դրոշը, որպեսզի մեր անհամաձայնությունը հայտնենք Թրամփի վարչակազմի վարած քաղաքականությունների ու քայլերի վերաբերյալ: Մյուս կողմից մենք դատապարտում ենք ԱՄՆ-ի ողջ համակարգը: Այս համակարգը Թրամփին իրավունք է տալիս գալ իշխանության, և այդպիսի մարդուն նշանակում է կառավարության ղեկավար: Մենք չենք ընդունում դա… Մենք այրեցինք ամերիկյան դրոշը և մեր շապիկների վրա գրեցինք, որ մենք միայն հեղափոխություն ենք ուզում, ուրիշ ոչինչ: Մենք ուզում ենք մեր հեղափոխությամբ փրկվել այս համակարգից»:
«Ջավան» օրաթերթ
Ալ-Քազեմին «Իրաքից ամերիկացիների դուրս գալու» ուղերձով մեկնում է Սպիտակ Տուն
Իրաքի պառլամենտը փորձում է ամերիկյան զորքերը երկրից դուրս բերելու մասին ընդունված նախագիծը պահպանել որպես կառավարության արտաքին քաղաքականության գերակայություն: Իրաքի «Ալ-Ֆաթհ» կոալիցիայի ներկայացուցիչ Մոհամմադ Քյարիմը կիրակի օրը ընդգծել է ամերիկյան զորքի երկրից դուրս գալու անհրաժեշտությունը: Քյարիմն «Ալ-Մալումա» լրատվական կայքին տված հարցազրույցում ասել է.«Իրաքի վարչապետ Մուստաֆա Ալ-Քազեմին ԱՄՆ կատարելիք իր այցի ընթացքում այդ երկրին ուղերձ է փոխանցելու: Նշելով, որ Բաղդադի ուղերձն այն է, որ Իրաքը միջազգային ու տարածաշրջանային բախումների վայր չի դառնալու, Քյարիմը հավաստիացրել է.«Թրամփի հետ հանդիպման ժամանակ Ալ- Քազեմին հավատարիմ կմնա օտարերկրյա, այդ թվում ամերիկյան զորքերի այս երկրից վտարելու կապակցությամբ խորհրդարանի որոշմանը»:
«Իրան» օրաթերթ
Աշխարհում COVID-19-ով վարակվածների թիվը հատել է 20 միլիոնի սահմանը
Ամբողջ աշխարհում արդեն ավելի քան 20 միլիոն մարդ վարակվել է կորոնավիրուսով։ Տեղեկությունը հայտնում է Worldometer համաշխարհային վիճակագրության կայքը։
Օգոստոսի 10-ի առավոտյան տվյալներով՝ COVID-19-ի հաստատված դեպքերն ամբողջ աշխարհում կազմում են 20 միլիոն 614 մարդ։ Համավարակի զոհ են դարձել 733 հազար 234 մարդ։
Վարակի տարածման տեմպով առաջատարն ԱՄՆ–ն է, որտեղ կորոնավիրուս է հայտնաբերվել հինգ միլիոն 196 հազար 668 մարդու մոտ։ Վարակվածներից 165 հազար 564-ը մահացել է:
«Համշահրի» օրաթերթ
Բեյրութում տեղի ունեցած պայթյունի հետևանքով 43 մետր խորությամբ փոս է առաջացել
«Լիբանանի մայրաքաղաք Բեյրութի նավահանգստում տեղի ունեցած պայթյունի վայրում 43 մետր խորությամբ փոս է առաջացել»,-հայտնել է աղետի գոտում աշխատող ֆրանսիացի փորձագետների խումբը:
Ֆրանսիացի փորձագետների խումբը նշել է, թե որքան աննախադեպ սարսափելի է եղել պայթյունը:
Ֆրանսիայի փորձագետների խումբը շարունակում է իր աշխատանքը պայթյունի վայրում:
***
News.am
Արամ Ա-ի եւ Նիկոլ Փաշինյանի միջեւ հեռախոսազրույց է տեղի ունեցել
Ն.Ս.Օ.Տ.Տ. Արամ Ա. Կաթողիկոսի եւ Հայաստանի Հանրապետության վարչապետ Նիկոլ Փաշինյանի միջեւ հեռախոսազրույց է տեղի ունեցել:
Վարչապետը հետաքրքրվել է Լիբանանում այս պահին տիրող իրավիճակի եւ լիբանանահայության վիճակի մասին: Նաեւ անդրադարձել է ՀՀ-ի կողմից տրամադրվող մարդասիրական օգնությանը` ինչպես Լիբանանի ժողովրդին, այնպես էլ հայ համայնքին:
Վեհափառ Հայրապետը վարչապետին ընդհանուր տեղեկություններ է հայտնել լիբանանահայ համայնքի կրած վնասների մասին, նաեւ իր գնահատանքն է հայտնել ՀՀ-ի կողմից տրամադրվող օգնության վերաբերյալ:
Վարչապետը նշել է, որ Վեհափառ Հայրապետի հետ խորհրդակցությունները պետք է շարունակական, որպեսզի Հայաստանի կողմից տրամադրվող օգնությունը լինի նպատակային:
Armenpress.am
Լիբանանի հայ նախարարը կպահանջի կառավարության հրաժարականը
Լիբանանի Երիտասարդության և սպորտի հարցերով նախարար, հայ Վարդինե Օհանյանը հայտարարել է, որ պահանջելու է կառավարության հրաժարականը:«Արմենպրես»-ի փոխանցմամբ` այս մասին հայտնում է Lebanon Debate կայքը:
Օհանյանը նշել է, որ կառավարության հրաժարականը պահանջելու է գործադիրի առաջիկա նիստում: Հրաժարականի պահանջը կապված է օգոստոսի 4-ին Բեյրութի նավահանգստում տեղի ունեցած պայթյունի և դրա հետևանքների հետ:
Օգոստոսի 4-ին հզոր պայթյունը ցնցել է Լիբանանի մայրաքաղաք Բեյրութը: Ականատեսները տեսանկարահանել են կատարվածն ու ներկայացրել ավերածությունները, որոնք տեղի են ունեցել շրջակայքում: Տեսանկարահանումը ֆիքսել է հարվածային ալիքը, որը ցնցել է մի քանի կիլոմետր հեռավորությամբ գտնվող շինությունները: Վերջին տվյալներով՝ զոհերի թիվը գերազանցել է 220-ը, վնասվել է ավելի քան 5 հազար մարդ: Պայթյունի հետևանքով զոհերի շարքում 13 հայ կա և շուրջ 300 վիրավոր:
News.am
Լուկաշենկո. Բելառուսում ցուցարարներին կառավարել են Լեհաստանից, Բրիտանիայից եւ Չեխիայից
Բելառուսի նախագահ Ալեքսանդր Լուկաշենկոն հայտարարել է, որ Մինսկում ցուցարարներին կառավարել են Լեհաստանից, Բրիտանիայից եւ Չեխիայից: Նրա խոսքով՝ երեկ նախագահական ընտրությունները նման էին տոնի, ակայն որոշ մարդիկ փորձեցին փչացնել այն: Այս մասին Լուկաշենկոն ասել է ԱՊՀ գործադիր կոմիտեի քարտուղար, ԱՊՀ դիտորդական առաքելության ղեկավար Սերգեյ Լեբեդևի հետ հանդիպման ժամանակ, հաղորդում է «Բելթա»-ն:
«Շնորհակալ ենք, որ չնայած աշխարհում տիրող վիճակին՝ Դուք եկաք, ինչպես իսկական գեներալ, որպեսզի հետեւեք ընտրությունների ընթացքին: Ես բարձր եմ գնահատում Ձեր առաքելությունը: Դուք տեսաք, որ մենք ցանկանում էինք տոն նվիրել մարդկանց, եւ նրանք իսկապես օգտվեցին»,-ասել է Լուկաշենկոն:
Նա նշել է, որ մարդիկ ընտրատեղամասեր էին գնում ընտանիքներով, երեխաների հետ: «Հասկանում եք, դա տոն է, սակայն որոշ մարդիկ փորձեցին փչացնել այն: Մենք արտասահմանից զանգեր ենք ֆիքսել: Զանգել են Լեհաստանից, Բրիտանիայից եւ Չեխիայից, կներեք արտահայտության համար, կառավարել են նրանց՝ ոչխարներին: Նրանք չգիտեն՝ ինչ են անում, և նրանց սկսում են կառավարել»,-հավելել է Բելառուսի նախագահը:
Armradio.am
Իտալիայի Պատգամավորների պալատը վավերացրել է ՀՀ-ԵՄ համաձայնագիրը
Իտալիայում Հայաստանի դեսպանատնից հայտնում են, որ այսօր Իտալիայի Պատգամավորների պալատը 414 կողմ և 0 դեմ ձայներով կողմ քվեարկեց ՀՀ-ԵՄ Համապարփակ և ընդլայնված գործընկերության համաձայնագրի վավերացմանը: Առաջիկայում այն կներկայացվի Իտալիայի Հանրապետության նախագահի ստորագրմանը։
Tert.am
Բելառուսի ԿԸՀ-ն հրապարակել է ընտրությունների նախնական արդյունքները. Լուկաշենկոն հավաքել է ձայների 81,35%-ը. ընտրատեղամասերի փակվելուց հետո բողոքի ակցիաներ և բախումներ են սկսվել
Օգոստոսի 9-ին Բելառուսում ավարտվել են նախագահական ընտրությունները, որին գրանցվել է մասնակցության բարձր ցուցանիշ` 79%: «Էքզիթ փոլի» նախնական տվյալների հրապարակումից հետո, որի համաձայն՝ երկրի գործող նախագահ Ալեքսանդր Լուկաշենկոն հաղթանակ է տարել ընտրություններում` հավաքելով ձայների 79,7%-ը, երկրում իրավիճակը սրվել է. ընտրողները ընդդիմության կոչով սկսել են հավաքվել ընտրատեղամասերի առաջ «վերահսկելու համար ձայների հաշվարկը», մի շարք քաղաքներում ձերբակալություններ են տեղի ունեցել, իրավապահները սկսել են ցրել ցուցարարներին: Այս մասին գրում է «ՌԻԱ Նովոստի» գործակալությունը;
ԿԸՀ նախնական տվյալների՝ Լուկաշենկոն հավաքել է ձայների 81,35, Սվետլանա Տիխանովսկայան՝ 8%-ը:Ընդդիմության ներկայացուցիչները հայտարարել են ձայների հաշվարկի ժամանակ կոպիտ խախտումների մասին: Նրանք կոչ են արել իրենց կողմնակիցներին, բացի ընտրատեղամասերից, հավաքվել նաև Մինսկի Հաղթանակի հրապարակում:
Հայերեն ռադիոալիքին հետևեք սոցցանցերում
https://www.instagram.com/parstodayarmenian/
https://twitter.com/radio_armenian
