Մամուլի տեսություն 11-10-2020
Լեռնային Ղարաբաղում երկու շաբաթ տևած մարտերից և տարածաշրջանում կիսակայուն զինադադարից հետո, հրադադարի ռեժիմի խախտումներով, մտավախություն կա, որ պատերազմի կրակը կրկին կբռնկվի:
Մարդոմսալարի օրաթերթ
Փխրուն հրադադար Լեռնային Ղարաբաղում
Լեռնային Ղարաբաղի շուրջ երկու շաբաթ տևած ռազմական բախումներից հետո Ադրբեջանը և Հայաստանը պայմանավորվեցին հրադադար հաստատել տարածաշրջանում:
Միևնույն ժամանակ, Ադրբեջանը և Հայաստանը շաբաթ օրը միմյանց մեղադրեցին Լեռնային Ղարաբաղում հրադադարի ռեժիմը խախտելու մեջ, որը հարց է առաջացնում, թե որքանով նշանակալի կլինի հրադադարի ռեժիմը Ռուսաստանի միջնորդությամբ: Հայաստանի պաշտպանության նախարարությունը մեղադրում է Ադրբեջանին Հայաստանի տարածքը ռմբակոծելու մեջ, իսկ Բաքուն նույնպես մեղադրում էԼեռնային Ղարաբաղի հայկական ուժերին Ադրբեջանի կողմը կրակելու մեջ:
Քեյհան օրաթերթ
Իրանում երկաթի արտադրությյունը 60% -ով ավելին է, քան ներքին պահանջարկը
Իրանի արհմիությունների պաշտոնյա Համիդրեզա Ռաստեգարը Fars-ին տված հարցազրույցում ասել է. «Երկրում առանց կապիտալի 1 միլիոն բնակելի միավոր կառուցելու համար կա 100% երկաթի և պողպատի մատակարարման հնարավորություն: Երկրում երկաթի արտադրության ներուժը 60% -ով ավելին է, քան առկա իրավիճակում սպառման պահանջարկն է»:
Համիդրեզա Ռաստեգարն ասել է.«Երկաթի և պողպատի արտադրությունը երկրում առնվազն 10 միլիոն տոննայով պակաս է, քան սպառումը և այդ ավելցուկով ինչպե՞ս կարող ենք տարեկան 1 միլիոն բնակարաների կառուցման համար երկաթ մատակարարման պակաս ունենալ»:
Իրան օրաթերթ
Իրանն ու Ռուսաստանը ողջունել են Լեռնային Ղարաբաղում հրադադադարի հաստատումը
Նախօրեին, Ադրբեջանի և Հայաստանի միջև հրադադարի ռեժիմի հայտարարման և իրագործման հետ մեկտեղ, Իրանի և Ռուսաստանի նախագահները հեռախոսազրույցում քննարկել և խորհրդակցել են հակամարտության վերջին զարգացումների վերաբերյալ:
Մեկ ժամից ավելի տևած հեռախոսազրույցի ընթացքում, կողմերը վերահաստատել են իրենց մտահոգությունները, ինչպիսիք են ահաբեկչական խմբավորումների ներգրավումը և երրորդ երկրների միջամտությունը պատերազմին և շեշտել հակամարտությունը դադարեցնելու, հրադադարի ռեժիմի կիրառման և բանակցությունների միջոցով խնդիրները կարգավորելու անհրաժեշտությունը:
Ռոհանին նաև ընդգծել է Իրանի պատրաստակամությունը` օգնելու հարցը լուծել երկխոսության և բանակցությունների միջոցով` հիմնված իրավական և միջազգային օրենքների վրա և հարգելով երկրների տարածքային ամբողջականությունը:
Աֆթաբե Յազդ օրաթերթ
Ամերիկայի Աքիլեսյան գարշապարը Չինաստանի հետ առեւտրային պատերազմում
Մերձավոր Արևելքի նավթագազային ռեսուրսներից ԱՄՆ-ի կախվածությունը թուլանալու և Չինաստանի ուժեղ ներկայության հետ կապված խնդիրներ են արծարծվում և ոմանք այն անվանել են «Ազդեցության ոլորտի բաժանում» Չինաստանի և Միացյալ Նահանգների միջև:
Թրամփի օրոք փորձեր արվեցին վերջ դնել այս առևտրային պատերազմին, բայց ապարդյուն, քանի որ ԱՄՆ-ի և Չինաստանի շահերի բախումը շատ մեծ է ոչ միայն կառավարությունների, այլև աշխարհի տնտեսական կորպորացիաների միջև և համաձայնության ձեռքբերումը, որով աշխարհը կբաժանվի, որոշակիորեն լավատեսական է և չի համապատասխանում առկա իրողություններին:
Չավուշօղլուն խնդրել է Լավրովին զգուշացնել Հայաստանին հրադադարի վերաբերյալ
Ռուսաստանի և Թուրքիայի արտաքին գործերի նախարարներ Սերգեյ Լավրովն ու Մևլյութ Չավուշօղլուն քննարկել են հրադադարը Ղարաբաղում, գրում է ՌԻԱ Նովոստին՝ հղում անելով Թուրքիայի ԱԳՆ-ում իր աղբյուրին։ Ըստ աղբյուրի՝ «Չավուշօղլուն Լավրովին խնդրել է զգուշացնել հայկական կողմին Ղարաբաղում հրադադարը պահպանելու մասին»։
Նիդերլանդների եկեղեցիների խորհուրդը դատապարտում է մշակութային և կրոնական ժառանգության ոչնչացման փորձերը
Նիդերլանդների եկեղեցիների խորհուրդը քննադատում է կրոնական ժառանգության ոչնչացումը։ Արցախա-ադրբեջանական շփման գոտում ռազմական գործողությունների ծավալումը և հետագա զարգացումները շարունակում են մնալ Նիդերլանդների մի շարք կառույցների և առհասարակ հասարակության լայն շերտերի ուշադրության կենտրոնում։ Հոկտեմբերի 8-ին ադրբեջանական զինված ուժերի կողմից Սբ․ Ամենափրկիչ Ղազանչեցոց եկեղեցու թիրախավորումն ու ռմբակոծումը մեծապես մտահոգել է Նիդերլանդների եկեղեցիների խորհրդին։ Հարցի համատեքստում, Նիդերլանդների եկեղեցիների խորհուրդը հանդես է եկել հայտարարությամբ, որում, հակիրճ անդրադարձ կատարելով հակամարտության պատմությանն ու ներկայիս զարգացումներին, դատապարտել է մշակութային և կրոնական ժառանգության ոչնչացման փորձերը և աջակցություն հայտնել Եկեղեցիների համաշխարհային խորհրդի, ինչպես նաև ռազմական գործողությունները դադարեցնելու և խաղաղ բանակցություններին վերադառնալու Միավորված ազգերի կազմակերպության և Եվրոպական միության կոչերին։
orakarg.com
Թուրքիայի դերը պետք է ամրապնդվի հակամարտության կարգավորման գործընթացում. Ալիև
Ադրբեջանի նախագահ Իլհամ Ալիևը կարծում է, որ Լեռնային Ղարաբաղի հակամարտության կարգավորման միջնորդ երկրների խմբի կազմը, որն այժմ ղեկավարում են Ռուսաստանը, ԱՄՆ-ը և Ֆրանսիան, պետք է արդիականացվեն, և որ Թուրքիայի դերը պետք է ամրապնդվի հակամարտության կարգավորման գործընթացում: Փոխանցում է ՏԱՍՍ-ը:
aysor.am
Ամերիկացի կոնգրեսականն ԱՄՆ-ին կոչ է անում դիմակայել ադրբեջանական ահաբեկչությանը
ՄՆ կոնգրեսական Թիջեյ Քոքսը կոչ է արել պատժամիջոցներ կիրառել Ադրբեջանի նկատմամբ՝ Լեռնային Ղարաբաղում հրադադարի ռեժիմի պահանջներն անտեսելու համար: Հոկտեմբերի 11-ին նա այս մասին գրել է ֆեյսբուքյան իր էջում:
«Լեռնային Ղարաբաղում (Արցախ) հրադադար հաստատելու պայմանավորվածության լիակատար անտեսումն Ադրբեջանի կողմից միայն պատճառներից մեկն է, որի համար ԱՄՆ-ն պետք է դադարեցնի Ադրբեջանին տրամադրվող ռազմական օգնությունը, պատժամիջոցներ կիրառի հարյուրավոր մարդկանց մահվան համար պատասխանատու ադրբեջանցի պաշտոնյաների դեմ և վերանայի Թուրքիայի հետ մեր դիվանագիտական հարաբերությունները», - գրել է Քոքսը:
Նա նշել է, որ Ադրբեջանը երկու շաբաթ շարունակ ագրեսիվ կերպով ոտնահարում է մարդու իրավունքները Ղարաբաղյան հակամարտության գոտում:
«Միացյալ Նահանգները պետք է դիմակայեն ահաբեկչությանը և գործեն հիմա», - հայտարարել է ԱՄՆ կոնգրեսականը:
