Լիբանանի հաժարված վարչապետը վերադարձել է. ճգնաժամ առաջացնող փկիչը
Լիբանանի խորհրդարանը կրկին վստահության քվե է տվել Սաադ ալ-Հարիրիին:
Կաբինետ ձևավորելու համար Ալ-Հարիրիի ստացած վստահության քվեն կարելի է քննարկել մի քանի տեսանկյունից
Առաջին՝ Սաադ ալ-Հարիրիին վերջին չորս տարիների ընթացքում երրորդ անգամն է կաբինետը ձեւավորելու հնարավորություն տրվում: Նա Լիբանանի կառավարություն է ձևավորել նաև 2016 և 2018 թվականներին: Սակայն 2019-ի հոկտեմբերին ՝ 13-օրյա ժողովրդական բողոքներից հետո, Հարիրին հրաժարվեց վարչապետի պաշտոնից:
Երկրորդ՝ Լիբանանի խորհրդարանի 128 անդամներից ալ-Հարիրիի օգտին քվեարկել է միայն 65-ը, իսկ Մուստաֆա Ադիբի օգտին՝ 90-ը: Այլ կերպ ասած, Սաադ ալ-Հարիրին ստացել է վստահության քվեի համար անհրաժեշտ մինիմալ ձայները: Ալ-Հարիրին Ադիբից 25 ձայն պակաս է ստացել, մինչդեռ Ադիբն այդ երկրի քաղաքական պատմության նոր դեմք է, կարծում է Արևմտյան Ասիայի հարցերով փորձագետ Սեյեդ Հադի Սեյեդ ալ-Ֆաղիհը:
Երրորդ՝ Լիբանանի Հեզբոլլահը և Ազատ ազգային շարժումը չեն սատարել վարչապետ Սաադ ալ-Հարիրիին, սակայն «Ամալ» շարժումը սատարել է վերջինիս: Նույնիսկ մարտի 14-ի հեղաշրջման ժամանակ որոշ խմբեր դեմ էին Ալ-Հարիրիի վարչապետությանը: Առաջադիմական Սոցիալիստական կուսակցության առաջնորդ Վալիդ Ջանբալաթը և Լիբանանյան ուժերի կուսակցության կամ Ֆալանժի ղեկավար Սամիր ալ Ջաջան հայտարարել էին, որ դեմ են Ալ-Հարիրիի վարչապետի պաշտոնում վերընտրվելուն:
Չորրորդ՝ Հարիրիին մոտ կանգնած լրատվամիջոցները նրան ներկայացրեցին որպես Լիբանանի փրկիչ: Վերջին չորս տարվա ընթացքում Լիբանանը ունեցել է երեք վարչապետ, այդ թվում ՝ Սաադ ալ-Հարիրին, Հասան Դիաբը և Մուստաֆա Ադիբը: Եթե Ադիբը չկարողանա կաբինետ կազմել, իսկ ալ-Հարիրին այն ձևավորի, դա կլինի վերջին չորս տարվա ընթացքում Լիբանանի չորրորդ կառավարությունը: Հարկ է նշել, որ միայն ալ-Հարիրին երեք կաբինետ է կազմել:
Հինգերորդ՝ Խորհրդարանից վստահության քվե ստանալուց հետո ալ-Հարիրին հայտարարել է, որ կձևավորի անկուսակցական անդամներից կազմված կառավարություն, որը պետք է լիբանանյան տնտեսական և ֆինանսական բարեփոխումներ կատարի, և որ խորհրդարանի առանցքային խմբակցությունները խոստացել են աջակցել կառավարությանն այդ ծրագիրը կյանքի կոչելու համար: Այնուամենայնիվ, ալ-Հարիրիի աշխատանքը, հատկապես 2018 թ., ցույց տվեց, որ նրա գործունեությունը խիստ «կուսակցական» էր և նա թույլ չտվեց նույնիսկ սուննի խմբավորումներին «Մարտի 147 կուսակցության շրջանակներից դուրս մանևրել: Հետևաբար, անկուսակցական կաբինետի ձեւավորման մասին լուրերը պարզապես շրջանառվում են ԶԼՄ-ների կողմից: ,
Վեցերորդ՝ Ալ-Հարիրին պատրաստվում է չորս տարվա ընթացքում երրորդ անգամ ձևավորել կառավարություն, որը, հաշվի առնելով նրա ստացած 65 ձայները, նույնպես լինելու է «փխրուն»: Միևնույն ժամանակ, եթե անգամ նրան հաջողվի ձևավորել կառավարություն, ապա նա բախվելու է այնպիսի լուրջ մարտահրավերների, ինչպիսիք են տնտեսական խնդիրները, կորոնավիրուսի տարածումը և սուր քաղաքական պառակտումները:
