Մամուլի տեսություն 04-04-2021
Միացյալ Նահանգներում տիրում է դարի ամենավատ տնտեսական ճգնաժամը:
Քեյհան օրաթերթ
Ջո Բայդեն. ԱՄՆ-ում տիրում է դարի ամենավատ տնտեսական ճգնաժամը
Կորոնավիրուսը հարվածել է ԱՄՆ տնտեսությանը; Զեկույցների համաձայն, կորոնավիրուսն ԱՄՆ տնտեսությունը խորտակել է: Այդ երկրում տիրում է վերջին 90 տարիների ընթացքում ամենավատ ճգնաժամը, որն ավելի է մեծացրել աղքատությունն ու գործազրկությունը երկրում: Վերմոնտի սենատոր Բեռնի Սանդերսը, Թվիթերում քննադատել է իր երկրում աղքատության աճն ու գործազրկությունը և գրել. «Համաճարակի ընթացքում տասնյակ միլիոնավոր ամերիկացիներ կորցրեցին իրենց աշխատանքը: 22 միլիոն ամերիկացիներ ասում են, որ չունեն բավարար քանակությամբ ուտելիք, բայց այսօր ԱՄՆ-ում մի շարք միլիարդատերեր հարստացան 1,3 տրիլիոն դոլարով: Այսպիսին է կեղծ տնտեսությունը»:
Էբթեքար օրաթերթ
Իրանում կորոնավիրուսի դեմ պայքարի ազգային շտաբի խոսնակը հայտարարել է երկրում հիվանդության դեպքերի աճի մասին և զգուշացրել.«Որոշ նահանգներ թևակոխել են հիվանդության նոր գագաթնակետը, իսկ մյուսներում գագաթնակետը սկսվել է, և եթե սահմանափակումները չպահպանվեն, մենք, անկասկած, ականատեսը կլինենք հիվանդության բարձր աճի»:
Էըթեմադ օրաթերթ
Երկրի էլեկտրակայանների թողունակությունն աճել է 12 անգամ
Իրանի էլեկտրակայանի հզորությունը մինչ այժմ հասել է 85,000 մեգավատի, և ըստ էության, իսլամական հեղափոխության հաղթանակից 42 տարի անց, երկրի էլեկտրակայանների հզորությունը 12 անգամ ավելացել է ՝ տարեկան հասնելով 7024 մեգավատից մինչև 85,000 մեգավատի: Իսլամական հեղափոխության հաղթանակով և երկրից օտարերկրյա մասնագետների հեռանալուց հետո էլեկտրաէներգիայի արդյունաբերության ոլորտի տեղական մասնագետներն ու ընկերությունները փոխարինեցին օտարերկրյա մասնագետներին և ընկերություններին, իսկ ներքին կարողությունների զարգացման հետ մեկտեղ արագացավ երկրի էլեկտրակայանների հզորության աճի միտումը:
Իրան օրաթերթ
Կոալիցիաների հորձանուտում, Նեթանյահուն կրկնում է գրավյալ տարածքներում անցյալ տարվա ընտրությունների սցենարը: Մինչ Բենիամին Նեթանյահուն կրկին կորցրել է իր տեղը, նրան պետք է այլ կուսակցությունների հետ կոալիցիա կազմել: Այս անգամ Նեֆթալի Բենեթի գլխավորած «Եմինա» կուսակցությունը նրա համար ամենակարեւոր կուսակցություններից մեկն է: Ուրբաթ երեկոյան Նեթանյահուի հանդիպումը Բենեթի հետ չտվեց իր ուզած արդյունքը:
Համշահրի օրաթերթ
Պակիստանիը համատեղ օդային զորավարժություններ է անցկացնում ԱՄՆ-ի և Սաուդյան Արաբիայի հետ
Պակիստանի ռազմաօդային ուժերը հայտարարել են Սաուդյան Արաբիայի ու Միացյալ Նահանգների հետ օդային զորավարժությունների մասին: Պակիստանը հայտարարության մեջ նշել է, որ Սաուդյան Արաբիայի ռազմաօդային ուժերը զորավարժություններին կմասնակցեն մի շարք կործանիչների `տեխնիկական, օդային և օժանդակ անձնակազմով: Պակիստանը հայտարարության մեջ նշել է, որ Սաուդյան Արաբիայի ռազմաօդային ուժերը զորավարժություններին կմասնակցեն մի շարք կործանիչների տեխնիկական, օդային և պաշտպանական անձնակազմով:
Ռուսիա Ալ-յոմը հաղորդել է, որ զորավարժությունները կշարունակվեն մինչ ապրիլի 27-ը Պակիստանի Մուշաֆ ավիաբազայում՝ մարտական պլանավորման, օդային աջակցության ու պաշտպանական գործողությունների փորձի փոխանակման նպատակով:
Հայ առաքելական եկեղեցին նշում է Սուրբ Հարության տոնը
Հիսուս Քրիստոսի հրաշափառ Հարության տոնը կոչվում է նաև Զատիկ, որը նշանակում է զատում, բաժանում, հեռացում մեղքերից և վերադարձ առ Աստված: Զատիկը Հայ Առաքելական Ս. Եկեղեցու 5 տաղավար տոներից մեկն է:
Ս. Հարության տոնի նախընթաց երեկոյան եկեղեցիներում մատուցվում է Ճրագալույցի Ս. Պատարագ, որով սկսվում են զատկական տոնակատարությունները: Առավոտյան եկեղեցիներում կատարվում է ժամերգություն, Անդաստանի արարողություն, ապա մատուցվում տոնական Ս. Պատարագ: Ս. Հարության տոնին հավատացյալները միմյանց ողջունում են «Քրիստոս Յարեաւ ի մեռելոց» ավետիսով, պատասխանում՝ «Օրհնեալ է Յարութիւնն Քրիստոսի»:
orakarg.com
ՀՀ-ում ՌԴ դեսպանը՝ խոսել է Լեռնային Ղարաբաղում «Իսկանդերի» կիրառման և հայ գերիների վերադարձի մասին
Երևանում լրագրողների հետ զրույցում Հայաստանում Ռուսաստանի դեսպան Սերգեյ Կոպիրկինը չցանկացավ մեկնաբանել առաջիկայում նախատեսված Փաշինյան-Պուտին հանդիպման օրակարգին վերաբերող հարցերը։
«Կարծում եմ, կարելի է ենթադրել, որ քննարկումը կկենտրոնանա մեր երկկողմ հարաբերությունների առավել հրատապ հարցերի, տարածաշրջանում տիրող իրավիճակի վրա: Բայց ես հիմա չէի ցանկանա որևէ մեկնաբանություն տալ, քանի որ ելնում եմ այն ենթադրությունից, որ, հավանաբար, մեր ղեկավարների մամուլի ծառայությունները պատշաճ ժամկետում կտրամադրեն համապատասխան տեղեկություններ»,- ասել է նա։
Ռուս դիվանագետն անդրադարձել է նաև երեկ Բաքվում ցուցադրված «Իսկանդեր» հրթիռային բեկորներին, որոնք, ըստ ադրբեջանական կողմի, արձակվել են Հայաստանում ռուսական ռազմաբազայի տարածքից, չնայած որ ռուսական կողմն արդեն հերքել է այս տեղեկությունը:
«Ի՞նչ կարող եմ ավելացնել ռուսական ռազմաբազայի հայտարարությանը: Ոչինչ », — ասել է դեսպանը:
Պատասխանելով այն հարցին, թե արդյո՞ք Մոսկվան անհանգստացած է Ռուսաստանի դեմ նման քողարկված մեղադրանքներից, Կոպիրկինը ասել է. «Մեղադրանքները կարող են տարբեր լինել, և մենք արդեն սովոր ենք, որ տարբեր քաղաքական շրջանակներ, տարբեր գործիչներ արտահայտում են որոշակի ենթադրություններ, որոշակի մեղադրանքներ: … Բայց կա պաշտոնական դիրքորոշում, որը միանգամայն հստակ է, և դրանով պետք է կողմնորոշվել»:
yn.am
Ուկրաինայի զինված ուժերը հրետանային կրակ են բացել ԼԺՀ ազգային միլիցիայի դիրքերի ուղղությամբ
Ուկրաինայի զինված ուժերը հրետանային կրակ են բացել ինքնահռչակ Լուգանսկի Ժողովրդական Հանրապետության ազգային միլիցիայի դիրքերի ուղղությամբ, այս մասին հայտնել է ռազմական գերատեսչության ներկայացուցիչ Յակով Օսադչին: Նրա խոսքով՝ ընդհանուր առմամբ 16 արկ է արձակվել իրենց ուղղությամբ: «Խաղաղ բնակչության անվտանգությունն ապահովելու համար, մեր պաշտպանները ստիպված էին կրակ բացել հակառակորդի դիրքերի ուղղությամբ: Հակառակորդի զոհերի թիվը ճշտվում է»,- ասել է Օսադչին:
lragir.am
Ով կդառնա վարչապետ Հայաստանում
ՌԴ նախագահի խոսնակ Դմիտրի Պեսկովը լրագրողների հետ հանդիպման ժամանակ հաստատել Է Վլադիմիր Պուտինի և Նիկոլ Փաշինյանի ապրիլի 7-ին կայանալիք հանդիպումը։ «Նախևառաջ, իհարկե, քննարկվելու է եռակողմ պայմանավորվածությունների ու եռակողմ փաստաթղթի կյանքի կոչման ընթացքը, որը վերջ տվեց ռազմական գործողություններին Ղարաբաղում», ասել է Պեսկովը»։ Բացի այդ, քննարկվելու են հարցեր՝ կապված Անդրկովկասում տրանսպորտային ենթակառուցվածքների ապաշրջափակման հետ, տեղի կունենա մտքերի փոխանակում Հայաստանում սկսված ընտրական գործընթացի, ինչպես նաև ռուս-հայկական համագործակցության ակտուալ հարցերի շուրջ:
Կապվա՞ծ են հանդիպման օրակարգի հարցերը միմյանց հետ՝ եռակողմ համաձայնությունների իրականացում, կոմունիկացիաների բացում և ընտրություններ։ Ըստ ամենայնի, այո, և Հայաստանում իշխանության հարցը որոշվելու է Մոսկվայում։ Դա կախված է նրանից՝ արդյոք Նիկոլ Փաշինյանը պատրաստ է կատարել «տնային աշխատանքը» մինչև վերջ, թե Պուտինը ստիպված կլինի գտնել ավելի «հնազանդ» մեկին։
Իսկ «մինչև վերջ» նշանակում է հրաժարվել Թուրքիայի հանդեպ պահանջներից, համաձայնվել Բաքվի և Մոսկվայի հետ, որ «ղարաբաղյան խնդիրը լուծված է», հանձնել Մեղրիի միջանցքը ռուս-թուրքական տանդեմին, եւ այլն։
scannews.am
Ֆրանսիան նորմանդական ձևաչափի շրջանակում քննարկումների արագ վերսկսման հույս ունի
Փարիզը հույս ունի, որ նորմանդական ձևաչափի (Ֆրանսիա, Գերմանիա, Ռուսաստան, Ուկրաինա) շրջանակում քննարկումներն առաջիկա շաբաթներին կարող են վերսկսվել: Ինչպես տեղեկացնում Է «Արմենպրես»-ը, ապրիլի 2-ին այդ մասին հայտարարել Է Ֆրանսիայի արտաքին գործերի նախարարությանը կից պետքարտուղար Կլեման Բոնը:
«Ես չեմ կարծում, թե (Դոնբասում – ծանոթ. խմբ.) իրադրության Էսկալացիա կլինի, բայց մենք զգոն ենք մնում»,- ասել Է նա BFM հեռուստաալիքի եթերում: «Մենք հուսով ենք, որ նորմանդական ձեւաչափի շրջանակում քննարկումները կարող են վերսկվել առաջիկա շաբաթներին»,- ասել Է նա, հաղորդել Է ՏԱՍՍ-ը:
scannews.am
Այսօր ականների մասին իրազեկման և ականազերծման գործընթացի օժանդակության միջազգային օրն է
2005թ. ՄԱԿ-ի Գլխավոր ասամբլեան ապրիլի 4-ը պաշտոնապես հայտարարել է ականների մասին իրազեկության և ականազերծման գործընթացի օժանդակության միջազգային օր (International Day for Mine Awareness and Assistance in Mine Action) և որոշել է նշել այն ամեն տարի:
Գլխավոր ասամբլեան կոչ է անում բոլոր պետություններին ՄԱԿ-ի օժանդակությամբ շարունակել նպաստել ականազերծման գործընթացին այն պետություններում, որտեղ ականների առկայությունը շարունակում է վտանգել բնակչության անվտանգությունը, կյանքը և առողջությունը և խոչընդոտում է սոցիալ-տնտեսական զարգացմանը:
