Մամուլի տեսություն 4-19-2021

Եվս մեկ միլիոն բարել նավթ պատրաստ է մուտք գործել շուկա: Վերջին լուրերի համաձայն, Իրանի նավթի արդյունահանման ու արտահանման ծավալները հասել են վերջին 2 տարվա ընթացքում առավելագույն մակարդակին, ԱՄՆ պատժամիջոցների վերականգնումցի հետո կազմելով օրական 2 միլիոն 304 հազար բարել:

Էբթեքար օրաթերթ

Ինչո՞ւ է սիոնիստական ​​ռեժիմը զայրացած, Նեթանյահուի ձախողված սցենարները

Թվում է, որ Իսրայելը, որը հայտարարում է, որ չի ընդունելու Իրանի հետ ձեռք բերված որևէ պայմանավորվածություն, փորձում է ուժ կիրառել ՝ ազդելու Վիեննայի բանակցությունների վրա: Բեն Կասպիտը Al-Monitor- ում գրել է«Այն, ինչ սկսվեց ազատ ջրերում  լիակատար լռությամբ, ռադարների տեսադաշտից հեռու, այժմ արագորեն վերածվում է դաժան և վտանգավոր բախման, որին լայն անդրադարձել են լրատվամիջոցներում:  Իսրայելն ու Իրանը բացահայտում են իրենց ռազմական բախումը, բայց դա, կարծես, որևէ մեկին չի հետաքրքրում»:

Սավիզ նավի վրա հարձակումից հետո, Իրանի հարցով ԱՄՆ հատուկ ներկայացուցիչ Ռոբերտ Մալին ժամանեց Վիեննա ՝ միջուկային գործարքի վերականգնման համար Իրանի հետ անուղղակի բանակցություններ սկսելու համար: Նույն օրը, Նեթանյահուն ԱՄՆ-ին հայտնեց, որ իր կարծիքով, իեննայի բանակցություններն անտեղի են և որ Իսրայելը մտադրություն չունի ընդունել ձեռք բերված որևէ համաձայնություն:

Իրան օրաթերթ

Եվս մեկ միլիոն բարել նավթ պատրաստ է մուտք գործել շուկա

Վերջին լուրերի համաձայն, Իրանի նավթի արդյունահանման ու արտահանման ծավալները հասել են վերջին 2 տարվա ընթացքում առավելագույն մակարդակին, ԱՄՆ պատժամիջոցների վերականգնումցի հետո կազմելով օրական 2 միլիոն 304 հազար բարել: Տվյալները պաշտոնական չեն, բայց երկրորդական աղբյուրները, որոնք հիմնված են այնպիսի  տվյալների վրա, ինչպիսիք են տանկերների վերաբերյալ տվյալները և իրանական նավթի  մաքսային վիճակագրությունը, վկայում են, որ 2021 թվականին Իրանի նավթի արդյունահանման և արտահանման ցուցանիշներն աճում են: OPEC- ի անդամ երկրների արտադրության վերաբերյալ վերջին զեկույցի համաձայն, Իրանի հում նավթի արդյունահանումը հունվար ամսին կազմել է օրական 2 միլիոն 304  հազար բարել, ինչը 137 հազար բարել աճ է արձանագրել մարտի համեմատ:

Քեյհան օրաթերթ

ԱՄՆ-ը չի չեղարկում հիմնական պատժամիջոցները. Ի՜նչի է սպասում Իրանի բաանակցային թիմը  Վիեննայում

ԱՄՆ նախագահ Ջո Բայդենը ՀԳՀԾ-ի վերաբերյալ ասել է. «Դեռ վաղ է ասել կհաջողվի՞ արդյոք ՀԳՀԾ-ի  վերակենդանացման շուրջ բանակցությունները: Մենք մեծ զիջումների չենք գնա՝ համաձայնագրին վերադառնալու համար»: 

Իրանի քաղաքական փոխնախարար, բանակցային թիմի ղեկավար Աբբաս Արաղչին ասել է. «Թվում է, թե նոր հասկացողություն է առաջանում, բոլորն ունեն  ընդհանուր նպատակ, և առջևում գտնվող  ուղին մի փոքր ավելի պարզ է: Մենք, կարծես, ճիշտ ուղու վրա ենք: Սակայն, առջևում դեռ դժվար ճանապարհ կա: ՀԳՀԾ-ի համատեղ հանձնաժողովի բանակցությունները հասել են այնպիսի փուլի,որ կողմերը կարող են սկսել համատեղ տեքստի մշակման աշխատանքը»: 

Այս երկու հայտարարությունները բավականին նման են Ռոհանիի վարչակազմի և Օբամայի վարչակազմի պաշտոնյաների կողմից արված հայտարարություններին մինչ ՀԳՀԾ-ի ստորագրումը: Իրան -5 + 1 միջուկային բանակցությունների թեժ պահին, և այն ժամանակ, երբ երկու կողմերը ձգտում էին առավելագույն զիջումների Զարիֆն ասել էր «Ավելի լավ է ցանկացած համաձայնագիր ստորագրել, քան չհամաձայնել»:

Թեջարաթ օրաթերթ

Պատժամիջոցների չեղարկումը՝ ազգային շահերը պաշտպանելու համար

Իրանի իսլամական խորհրդարանի նախագահը նշել է, որ  60 տոկոսանոց ուրանի հարստացումը մեծ առաջընթաց էր գիտության և տեխնոլոգիայի ոլորտում և կարևոր քաղաքական ուղերձներ էր պարունակում: Նա ասել է.«Իրանի ժողովրդի թշնամիները հուսով էին որ միջուկային արդյունաբերության դեմ ահաբեկչական գործողություններով՝ Իրանի միջուկային գործունեությունը կասեցվելու կամ դանդաղեցնելու են, բայց 60 տոկոսանոց ուրանի հարստացումն այն էլ  կարճ ժամանակում թշնամիներին ապացուցեց, որ միջուկային արդյունաբերությունն իրանցի գիտնականների և երիտասարդների ջանքերով կատարելապես տեղայնացվել է»:

news.am

Ադրբեջանում գերիների թիվն ավելի շատ է, քան Ադրբեջանի իշխանությունը հաստատել է.Թաթոյանը դիմել է ԵԱՀԿ ՄԽ համանախագահներին

Մարդու իրավունքների պաշտպանի աշխատակազմի հավաքագրած ապացույցները հաստատում են, որ Ադրբեջանում պահվող գերիների թիվն ավելի շատ է, քան ադրբեջանական իշխանությունները հաստատել են: Դա վերաբերում է նաև մինչև 2020թ. 44 գերիների վերադարձին:

Գերիների ազատ արձակման հարցի բացարձակ հրատապությունը պետք է դիտարկել նաև Ադրբեջանում հայատյացության ու թշնամանքի քաղաքականության համատեքստում, որը շարունակաբար քարոզվում է պետական մակարդակով։ Այս մասին ֆեյսբուքյան իր էջում գրել է ՀՀ ՄԻՊ Արման Թաթոյանը:

Ուստի, հաշվի առնելով նշված միջազգային մարմինների մարդասիրական մանդատները և դերը մարդու իրավունքների (կյանքի իրավունքն առաջնահերթ) պաշտպանության հարցում` նրանց ներկայացվել են ՀՀ մարդու իրավունքների պաշտպանի` որպես անկախ հաստատության իրական վիճակի վերաբերյալ լրացուցիչ տվյալներ՝ բարձրացնելով գերիների ազատ արձակման ու վերադարձի ուղղությամբ վճռական միջոցներ ձեռնարկելու, խնդրի քաղաքականացումը դադարեցնելու հրատապ անհրաժեշտության հարց»,- գրել է ՄԻՊ-ը։

1in.am

Մեղադրանք է առաջադրվել Իսրայելում ՀՀ դեսպանին

ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում կատարված մեծածավալ քննչական և դատավարական գործողությունների արդյունքում պարզվել են Իսրայելում ՀՀ դեսպան Ա.Ս-ի կողմից ՀՀ մշակույթի և երիտասարդության նախկին նախարարի կողմից թույլ տրված չարաշահումներին օժանդակելու, ինչպես նաև փողերի լվացմամբ հանցավոր ճանապարհով ստացված գույքն օրինականացնելու դեպքի մի շարք հանգամանքներ: Այս մասին հայտնեցին ՀՀ քննչական կոմիտեի տեղեկատվության և հասարակայնության հետ կապերի վարչությունից:

operativ.am

Ֆրանսիայի և ԵՄ-ի կտրուկ արձագանքը․ ֆրանսահայ պատգամավորը Բաքվում բացված պուրակի մասին

Ֆրանսիայի խորհրդարանի հայազգի պատգամավոր Դանիել Ղազարյանի խոսքով՝ Ֆրանսիան պատերազմի տարիներին եղել է ամենաաղմկոտ երկրներից մեկը ընդդեմ Ադրբեջանի, մինչդեռ միջազգային հանրության մեծ մասը լռում էր: Այս մասին նա Tert.am-ին ասել է՝ անդրադառնալով Ղարաբաղյան հիմնախնդրի կարգավորման գործընթացում ֆրանսիայի և միջազգային հանրության դերին։

Խոսելով արդեն Բաքվում ադրբեջանական իշխանությունների կողմից բացված պատերազմի «պուրակի» մասին, որտեղ հայկական ռազմավարի կողքին, ներկայացված են հայ զինվորի մանեկեններ, Դանիել Ղազարյանը նշեց՝ դա իրեն սարսափեցրել է։

«Սա կրկին միջազգային պայմանագրերի ակնհայտ խախտում է: Պատերազմն ավարտվելուց հետո Բաքուն պետք է անմիջապես դադարեցնի բոլոր տեսակի սադրանքները և պետք է Մոսկվայում իր ստորագրած պայմանագրին համապատասխան վարքագիծ դրսևորի: Միջազգային իրավունքի կիրառումը պաշտպանելու համար անհապաղ անհրաժեշտ է միջազգային հանրության, այդ թվում`Ֆրանսիայի և ԵՄ-ի կտրուկ արձագանքը: Ես պաշտոնապես հարց եմ տվել Ֆրանսիայի արտգործնախարարին՝ հայ ռազմագերիների վերադարձի վերաբերյալ: Ես չափազանց զգոն կմնամ այս շատ կարևոր խնդրի վերաբերյալ»,- ասաց նա։