Մեկնաբանություն - Բայդենը շեշտում է Աֆղանստանից ամերիկյան զորքերի դուրսբերման անհրաժեշտությունը

Երեքշաբթի օրը մամուլի ասուլիսի ժամանակ այն հարցին, թե արդյոք կփոխվեն Աֆղանստանից դուրս գալու ԱՄՆ ծրագրերը, ԱՄՆ նախագահ Ջո Բայդենն ասել է.«Ոչ, ընդգծելով, որ չի ափսոսում Աֆղանստանից հեռանալու իր որոշման համար»:

Բայդենը հավելել է.«Մենք այնտեղ քսան տարվա ընթացքում այնտեղ ծախսել ենք ավելի քան 1 տրիլիոն դոլար, և մենք պատրաստեցինք և վերազինեցինք ավելի քան 300 հազար աֆղան զինվորական: Աֆղանստանի պաշտոնյաները պետք է միավորվեն և նրանք պետք է պայքարեն իրենց և երկրի համար»:

Նա ընդգծել է, որ ԱՄՆ -ն կկատարի Աֆղանստանում ստանձնած իր պարտավորությունները իր օդուժի և Աֆղանստանի օդուժին օգնելու միջոցով: Աֆղանստանի ուժերը պետք է պայքարեն: Նրանք գերազանցում են թալիբներին»:

Բայդենի նոր դիրքորոշումը Աֆղանստանից ԱՄՆ -ի զորքերի դուրս գալու վերաբերյալ, փաստորեն, արձագանք է Աֆղանստանից ԱՄՆ -ի և ՆԱՏՕ -ի զորքերը արագ և հապշտապ դուրս բերելու նրա որոշման հասցեին հնչած քննադատության և դրա ազդեցությանն այս երկրում հակամարտության գործընթացի  վրա, մասնավորապես երբ  թալիբները լայնածավալ հարձակումներ են իրականացրել Աֆղանստանի տարբեր շրջաններում: 

Աֆղանստանից ամերիկյան զորքերը դուրս բերելու Բայդենի շտապ որոշումը, նման է նրան, ինչ տեղի ունեցավ, երբ ամերիկյան զորքերը դուրս եկան Վիետնամից: Այնուամենայնիվ, ԱՄՆ-ի քայլը, ինչպես Աֆղանստանի օկուպացիան և նրանց 20-ամյա ներկայությունը այդ երկրում, կատարվել է հաշվի չառանելով դրա հետևանքները:

Փաստորեն, ամերիկյան զորքերի դուրսբերումից առաջացած անվտանգության վակուումը, ինչպես նաև աֆղանական բանակի անպատրաստ լինելը, ստեղծել է այլ խնդիրներ, ինչպիսիք են կառավարման քաղաքական տարաձայնությունները, արդյունավետ հրամանատարական կառուցվածքի բացակայությունը, բարոյականության բացակայությունը Աֆղանստանի համար ստեղծել է աղետալի իրավիճակներ:

Վերջին տվյալների համաձայն, որ Աֆղանստանի տարածքի ավելի քան 65 տոկոսը գտնվում է թալիբների ձեռքում, իսկ նրանց ճնշումներն աճում են մնացած տարածքները գրավելու համար:

Թալիբները երեքշաբթի օրը հայտարարել են, որ իրենց վերահսկողության տակ են վերցրել Աֆղանստանի 7-րդ նահանգ Ֆարահ կենտրոնը: Բայդենն իր  դիրքորոշով  գործնականում մարեց Աֆղանստանի կառավարության հույսերը, որ Վաշինգտոնը  կարող է միջամտել Աֆղանստանի քաղաքացիական պատերազմում և անդրադառնալով Աֆղանստանի բանակում ԱՄՆ -ի ծախսերին և ներդրումներին՝ նա կենտրոնական կառավարության պաշտոնյաներին կոչ է արել մի կողմ թողնելով տարաձայնությունները միավորվել միմյանց շուրջ պայքարելու թալիբների դեմ:

Բայդենը հստակորեն հայտարարել է Աֆղանստանի կառավարությանը և զինվորականներին աջակցելու Վաշինգտոնի դիրքորոշման մասին և  բացի օդային աջակցությունից,  մարել է ցանկացած  օգնության հույս: Բայդենի այս դիրքորոշումը կթուլացնի աֆղանական բանակի և կառավարության բարոյահոգեբանական վիճակը և էլ ավելի կմոտիվացնի թալիբներին ՝ հարձակումներն ավելացնելու համար: 

Վաշինգտոնը պնդում է, որ փորձում է համոզել թալիբներին դադարեցնել հարձակումները և վերսկսել քաղաքական բանակցությունները: