Մեկնաբանություն - Քաղաքական ճգնաժամ Թուրքիայի իշխող կուսակցության դեմ
Տնտեսական ճգնաժամից հետո Թուրքիայում քաղաքական ճգնաժամ է տիրում, որը բարդ ու հիասթափեցնող պայմաններ է առաջացրել Թուրքիայի «Արդարություն և զարգացում» կուսակցության իշխանության շարունակման համար։
Ռեջեփ Թայիփ Էրդողանի գլխավորած իշխող «Արդարություն և զարգացում» կուսակցությունը, որը 2017թ-ի սահմանադրական հանրաքվեում 51 տոկոս ձայնով Թուրքիայում իշխանական համակարգը խորհրդարանականից փոխեց նախագահականի, այժմ գտնվում է փլուզման եզրին: Փաստորեն, ընդդիմադիր կուսակցությունների աճով ԱԶԿ-ն կորցնում է իշխանությունը պահպանելու վերջին հնարավորությունն ու հույսը: Ստեղծելով այս պայմանները, ընդդիմադիր կուսակցությունները փորձում են առավել կառուցողական օգտագործել կուսակցական մրցակցության համար ընձեռված նոր հնարավորությունները։
Ընդդիմադիր կուսակցությունների՝ կուսակցական մրցապայքարում առաջադրվելու փորձերը ներառում են Թուրքիայի Ժողովուրդների դեմոկրատական կուսակցության (HDP) նախկին համանախագահ՝ Սալահեդդին Դեմիրթաշի վերջին հայտարարությունները: Թուրքիայի Ժողովուրդների դեմոկրատական կուսակցության նախկին համանախագահ Սալահեդդին Դեմիրթաշը, ով դեռ բանտում է, երկրում կառավարման իրավիճակը սարսափելի է որակել՝ հաշվի առնելով ազգային արժույթի արժեզրկումը և կոչ է արել թուրք ժողովրդին արտահերթ ընտրություններ անցկացնել։
Ավելի քան հինգ տարի Էդիրնեում բանտարկված Սալահեդդին Դեմիրթաշը, ով իր ընտանիքի ու փաստաբանների միջոցով երբեմն հաղորդագրություններ է հրապարակում Twitter-ում, գրել է.
«Ի՞նչ մեղք ուներ Թուրքիայի հասարակությունը, որ ընկավ այս օրը, բացի նրանից, որ վերջին համընդհանուր ընտրություններում քվեարկեց սխալ մարդու օգտին»:
Ստեղծված իրավիճակում իշխող «Արդարություն և զարգացում» կուսակցությունը փորձում է ելք գտնել ստեղծված իրավիճակից դուրս գալու համար։ Իշխող կուսակցության առաջնորդները, հատկապես Թուրքիայի նախագահ Ռեջեփ Թայիփ Էրդողանը, ով վերջին հարցումների համաձայն կորցրել է սոցիալական մեդիայում իր աջակիցների զգալի մասը, այժմ մտադրվել է կոալիցիա ստեղծել Թուրքիայի «Սաադաթ» կուսակցության հետ: Այսինքն՝ ԱԶԿ-ն, որը կոալիցիա է կազմել «Հանրապետություն» կոչվող «Ազգային շարժում» կուսակցության հետ, դժվար թե հաջորդ ընտրություններում մեծամասնություն ստանա։ Այս պատճառով Արդարություն և զարգացում կուսակցության ղեկավարները դաշինք են ձգտել Թուրքիայի «Սաադաթ» կուսակցության հետ: Այս առնչությամբ «Սաադաթ» կուսակցության առաջնորդ՝ Թամալ Քարամուլլահ օղլուն» մերժել է առաջիկա ընտրություններում կոալիցիա կազմելու Էրդողանի առաջարկը՝ հայտարարելով.
«Մենք չենք աջակցում մի համակարգի, որը հնարավոր չէ վերահսկել»:
Թուրքիայի «Սաադաթ» կուսակցության առաջնորդի միտքը նախագահական համակարգն է, որին Թուրքիայում հնարավոր չէ քննադատել և կասկածի տակ դնել նախագահի քաղաքականությունը:
«Սաադաթ» կուսակցության հետ կոալիցիա կազմելու Թուրքիայի նախագահի հրավերն օրակարգային է եղել այն բանից հետո, երբ ավելի վաղ Թուրքիայի վեց ընդդիմադիր կուսակցությունների առաջնորդները հանդիպում են ունեցել և քննարկել են Ռեջեփ Թայիփ Էրդողանին նախագահի պաշտոնից հեռացնելու հնարավորությունը:
