Մեկնաբանություն . Մեկնարկել է ՇՀԿ տնտեսական ֆորումի երկրորդ հանդիպումը
Երեքշաբթի օրը Ուզբեկստանի մայրաքաղաք Տաշկենդում մեկնարկել է ՇՀԿ տնտեսական ֆորումի երկրորդ հանդիպումը:
Երկօրյա հանդիպման ընթացքում անդամ երկրները կքննարկեն գյուղատնտեսության ոլորտում համագործակցության ընդլայնման, արտադրողականությունը բարձրացնելու նպատակով գյուղատնտեսական նորագույն տեխնոլոգիաների և մեթոդների ուսումնասիրության ու ներդրման, բույսերի հիվանդությունները և ջրային ռեսուրսների խնայողության հետ կապված միր շարք հարցեր:
Սակյայն Տաշքենդի հանդիպման գլխավոր առանցքը առևտրի զարգացման, տնտեսական հարցերի և փոխադարձ ներդրումների, մշակութային և հումանիտար համագործակցության խնդիրների և հեռանկարների վրա կենտրոնանալը և կազմակերպության անդամների միջև հարաբերությունների ընդլայնումն է:
Նիստի շրջանակներում տեղի կունենան նաև փորձագիտական ու երկկողմ հանդիպումներ: Հանդիպումների ընթացքում կքննարկվեն թվային տնտեսության, կանաչ տեխնոլոգիաների, տարածաշրջանների միջև համագործակցության, ներդրումային փոխգործակցության, արդյունաբերական համագործակցության և այլ առաջնահերթությունների ներուժը բացահայտելու վերաբերվող հարցեր:
ԻՌՆԱ-ին տված հարցազրույցում, ռուս պրոֆեսոր, քաղաքական ու անվտանգության հարցերով փորձագետ Անդրեյ Սիդորովը վերջերս ասել էր. «ՇՀԿ-ն ստեղծվել է ԱՄՆ-ի սահմանած միաբևեռ համակարգին հակազդելու համար: Հետևաբար, ապագայում այս կազմակերպությունը վճռորոշ դեր կխաղա նոր բազմաբևեռ համակարգի ստեղծման գործում, որը կներառի Իրանը, Ռուսաստանը, Չինաստանը և Հնդկաստանը»: .
ՇՀԿ-ն կարող է արդյունավետ դերակատարություն ունենալ ոչ միայն անդամ կառավարությունների միջև երկխոսություն հաստատելու, այլ նաև գործարար շրջանակների, ընկերությունների ներկայացուցիչների միջև փոխգործակցության, ինչպես նաև անդամ երկրների տարածքներում ներդրողներ ներգրավելու համար:
Ղազախստանի արտաքին գործերի նախարար Մոխթար Տելեբորդին ավելի վաղ Տաշքենդում կազմակերպության անդամ երկրների ԱԳ նախարարների հետ հանդիպման ժամանակ հայտարարել էր, որ կազմակերպության շրջանակներում տեխնոլոգիական պարկերի և ինովացիոն կլաստերների ստեղծումը նպատակ ունի անդամ երկրների տնտեսությունը տեղափոխել տեխնոլոգիական զարգացման նոր մակարդակ:
Նա մասնավորապես ասել էր. «ՇՀԿ անդամ երկրների տարածքում ապրանքների մատակարարման շղթայում աջակցության ուժեղացումը, թվային ծառայությունների ոլորտի և էլեկտրոնային առևտրի խթանումը դարձել է հրատապ խնդիր: Իսկ անդամ երկրների միջև առևտրում ազգային արժույթի կիրառումը կարող է նպաստել համագործակցության խթանմանը և բարձրացնել այս կազմակերպության անդամ երկրների ներդրումային գրավչությունը»։
Ընդհանուր առմամբ, ՇՀԿ տնտեսական ֆորումի երկրորդ հանդիպման մասին կարելի է ասել. «Կազմակերպությանը նոր անդամների միանալու դեպքում այս կազմակերպության իրական դերը և նույնիսկ նրա յուրաքանչյուր անդամի դերն ավելի ընդգծված կլինի: Իրականում, կազմակերպության ընդլայնման ծրագրի ավարտին, հնարավորություն կստեղծվի փոխել իր մոտեցումների մեծ մասը՝ անվտանգությանից դեպի տնտեսական և մշակութային:
Հարկ է նշել, որ առաջիկա ամիս ՇՀԿ Խիվայում կայանալիք հանդիպմանը նախատեսվում է ստորագրել մի շարք նոր փաստաթղթեր: Ըստ այդ փաստաթղթերի՝ Հնդկաստանից ու Պակիստանից հետո Շանհայի համագործակցության կազմակերպության մշտական անդամ կդառնա Իրանը։ Էներգակիրների փոխանակման և տարանցիկ համագործակցության ոլորտում Իրանը պետք է գլխավոր դեր ստանձնի Շանհայի համագործակցության կազմակերպությունում։
