Մեկնաբանություն- Իրանի տարածքով միջազգային բեռնափոխադրումների ծավալն աճել է

Վերջին երեք ամիսներին, համաշխարհային աշխարհաքաղաքական լարված իրավիճակին զուգահեռ, Հնդկաստանն ու Ռուսաստանն Իրանի տարածքով Ադրբեջանին կապող Հյուսիս-Հարավ միջազգային տրանսպորտային միջանցքով բեռնափոխադրումների ծավալն աճել է:

Հնդկաստանում տպագրվող Economic Times-ը գրում է, որ միջանցքի ծովային հատվածով բեռների շրջանառությունը մայիս-հուլիս ամիսներին հասել է 3 հազար տոննայի կամ 114 կոնտեյների, ինչը զգալիորեն աճել է նախորդ ամիսների համեմատ։

Վկայակոչելով անանուն աղբյուրը, լրատվամիջոցը նշում է, որ  Iran Shipping Group պետական ​​ընկերությունը այս ոլորտում ծառայությունների մատուցման համար ձևավորել է հատուկ աշխատանքային խումբ և հատկացրել նավեր:

7200 կմ երկարությամբ ծովային երթուղին կապում է այս նախագծի չորս գործընկեր երկրներին և պետք է փոխարինի Սուեզի ջրանցքով, այնուհետև Բոսֆորի նեղուցով կամ Եվրոպայով և Բալթիկ ծովով անցնող երթուղիներին:

Ըստ գնահատականների, այս երթուղին գրեթե 30%-ով ավելի էժան է, քան այլընտրանքային երթուղիները և գրեթե 2 անգամ ավելի արագ՝ ապրանքների առաքման ժամանակի առումով: Ե՛վ Հնդկաստանը, և՛  Ռուսաստանն այս ճանապարհից օգտվում են երկկողմանի առևտրի համար: Հնդկաստանում արտադրված ապրանքները այդ ճանապարհով հասնում են ԵԱՏՄ շուկա: 

Ծրագրի գործընկերները շարունակում են ներդրումներ կատարել սահմանային անցակետերի, պահեստների կառուցման և մաքսատների միջև փոխգործակցության խորացման ուղղությամբ՝  երթուղին ավելի արագ և հեշտ դարձնելու համար։

Այս տարի հուլիսին  ՌԴ նախագահ Վլադիմիր Պուտինը  Հյուսիս-Հարավ  միջազգային տրանսպորտային միջանցքը բնութագրել էր որպես Իրանի միջոցով Հնդկաստանը և Ռուսաստանը կապող հիմնական օղակ:

Կասպից ծովի 6-րդ գագաթնաժողովում ունեցած ելույթում, Պուտինը հատուկ ուշադրություն էր դարձրել INSTC-ին` այն անվանելով «Սանկտ Պետերբուրգն Իրանի և Հնդկաստանի նավահանգիստներին կապող  տրանսպորտային զարկերակ», որի նպատակն է իրար հետ կապել Կասպից ծովի տարածաշրջանի երկրները, ներառյալ Ղազախստանը:

Հյուսիս-Հարավ միջազգային տրանսպորտային միջանցքով Ռուսաստանի և Հնդկաստանի միջև ապրանքների փոխադրումը տևում է 25 օրից պակաս: Նախկինում այդ ժամկետը հասնում էր 40 օրվա: 

Սակահն բացի ժամանակի կրճատումից, Հյուսիս-Հարավ միջազգային տրանսպորտային միջանցքը դիտվում է որպես աճող աշխարհաքաղաքական մարտահրավերների պայմաններում Հնդկաստան-Ռուսաստան առևտրի կենսունակ տարբերակ :

Ըստ որոշ աղբյուրների՝ երկարաժամկետ հեռանկարում  այս տրանսպորտային միջանցքը կփոխարինի Սուեզի ջրանցքին, Միջերկրական ծովի  և Բոսֆորի երթուղիներին: Այն նաև այլընտրանք կլինի տարածաշրջանում Չինաստանի «Մեկ գոտի  մեկ ճանապարհ» նախաձեռնությանը:

«Մեկ գոտի  մեկ ճանապարհ» նախագիծը Եվրասիական-Եվրոպական տարածաշրջանում  Կենտրոնական Ասիայի երկրներին և Ռուսաստանին կապում է Չինաստանի հետ և Պեկինին հնարավորություն է տալիս օգտվել եվրասիական ռեսուրսներից: Պեկինը նպատակ ունի այս նախագծով կապել նաև Թուրքիան և Իրանը:  Շանհայի համագործակցության կազմակերպության (ՇՀԿ) փաստաթղթերում Հնդկաստանը չի ստորագրել «Մեկ գոտի, մեկ ճանապարհ» նախագիծը:

Նյու Դելիի կարծիքով ՝ չինական նախագիծը խախտում է Հնդկաստանի ինքնիշխանությունը, քանի որ այն անցնում է երկու երկրների միջև վիճելի տարածքներով, և բացի այդ, մասնակից երկրների համար մեծ պարտքերի կուտակման պատճառ  է դարձել:  

Հյուսիս-Հարավ միջազգային տրանսպորտային միջանցքը Հնդկական օվկիանոսը  Պարսից ծոցով կապում է Ռուսաստանին և Հյուսիսային Եվրոպան Կասպից ծովին՝ ապահովելով նրանց միջև հաղորդակցության ամենակարճ ճանապարհը։ Նախատեսվում է նաև այս միջանցքով միացնել Հյուսիսային երթուղին ռուսական Արկտիկայի միջով՝ ապրանքների փոխադրման համար։