Մամուլի տեսություն 17.09.2022
Ողջունելով Իրանի անդամակցությունը ՇՀԿ-ին՝ ՌԴ նախագահն ընդգծել է.«Ռուսաստանը աջակցում է Իրանի անդամակցության արագացմանն այս կազմակերպությանը, և Թեհրանի լիիրավ անդամակցությունը ՇՀԿ-ին դրական ազդեցություն կունենա դրա վրա»։
Իրան օրաթերթ
Պուտին. Իրանը կարևոր դերակատարություն ունի ԵԱՏՄ-ում ու ողջ աշխարհում»
Ուրբաթ օրը ՇՀԿ-ի գագաթնաժողովում ունեցած ելույթում, ՌԴ նախագահ Վլադիմիր Պուտինը հայտարարել է.«ՇՀԿ-ն այժմ աշխարհի ամենամեծ տարածաշրջանային կազմակերպությունն է, և նրա դերը տարածաշրջանային և միջազգային խնդիրների լուծման գործում մեծանում է»։
Ռուսաստանի նախագահը ՇՀԿ-ին Իրանի անդամակցության փաստաթղթերի ստորագրման վերաբերյալ ասել է.«Ռուսաստանն աջակցում է Իրանի անդամակցության արագացմանն այս կազմակերպությանը, և Թեհրանի լիիրավ անդամակցությունը Շանհայի համագործակցության կազմակերպությանը դրական կանդրադառնա կառույցի վրա, քանի որ այդ երկիրը կարևոր դեր է խաղում ԵԱՏՄ-ում և ամբողջ աշխարհում»։
Ջամե Ջամ օրաթերթ
Չինաստանը ողջունում է Իրանի անդամակցությունը ՇՀԿ-ին
Ըստ People Daily թերթի, Չինաստանի նախագահ Սի Ցզինպինը ուրբաթ առավոտյան ԻԻՀ-ի նախագահ այաթոլլա Սեյեդ Էբրահիմ Ռյիսիի հետ հանդիպման ժամանակ ասել է.«Չինաստանը շնորհավորում է Իրանին Շանհայի համագործակցության կազմակերպությանը առաջիկա լիիրավ անդամակցության կապակցությամբ և ցանկանում է ամրապնդել համակարգումն ու համագործակցությունը ՇՀԿ-ի շրջանակներում»։
Սի Ցզինպինն ընդգծել է, որ Պեկինն աջակցում է Իրանին իր ազգային ինքնիշխանությունը պահպանելու հարցում և պատրաստ է համագործակցել Թեհրանի հետ՝ ներքին գործերին չմիջամտելու սկզբունքի պահպանման հիմամբ և զարգացող երկրների ընդհանուր շահերը պահպանելու համար։
Էթեմադ օրաթերթ
Իրանական «Արաշ 2» ԱԹՍ-ն դարձել է Իսրայելի մղձավանջը
«Արաշ 2» անօդաչու թռչող սարքը 2000 կմ հեռահարությամբ իրանական ԱԹՍ-ներից է, որը նախագծվել և արտադրվել է ԻԻՀ-ի բանակի փորձագետների կողմից։ «Արաշ 2» ԱԹՍ-ն օգտագործում է Ջիտո արձակման մեթոդը, ինչի պատճառով էլ թռիչքուղին անհրաժեշտություն չէ: Հետևաբար Արաշ 2 ԱԹՍ-ն ի վիճակի է տարբեր շարժական կայաններից թռչել թիրախների ուղղությամբ, ինչը նրան դարձնում է բարձր շարժունակությամբ մարտավարական անօդաչու թռչող սարք, որն իր օգտատերերին թույլ է տալիս օգտագործել այն տարբեր աշխարհագրական միջավայրերում:
Համշահրի օրաթերթ
Մեղուները իմացան թագուհու մահվան մասին. Բուքինգհեմին անհանգստացնում է մեղուների մեղրի չորացումը. Նրանք մեղուներին հայտնեցին, որ Չարլզ III-ն այժմ թագավոր է
Բրիտանական թերթերից մեկը հայտնել է, որ Անգլիայի թագավորական մեղվապահն Եղիսաբեթ թագուհու մահվան մասին հայտնել է նրա մեղուներին և նրանց փեթակները ծածկել են սև գույնով: Սա կարող է ծիծաղելի թվալ, բայց դա առանց պատճառի չէ: Daily Mail-ը բացառիկ ռեպորտաժում գրել է, որ բրիտանական արքունիքի թագավորական մեղվապահը հայտնել է Եղիսաբեթ II թագուհու մեղուներին, որ նա մահացել է։ Որոշ մեղվաբույծներ և ժողովրդական ու նախնիների լեգենդների պատմաբաններ ասում են, որ «մեղուներին տեղեկացնելը» հարյուրավոր տարիներ առաջ եկած սովորույթ է: Նրանք ասում են, որ եթե այս սովորույթը չպահպանվի, կհետևեն սարսափելի հետևանքներ, այդ թվում՝ մեղուների մահը կամ փեթակներից փախուստը։
civilnet.am
Սահմանների ցանկացած փոփոխություն անընդունելի է, Էրդողանին ասել է Ռայիսին
Իրանի նախագահ Էբրահիմ Ռայիսին իր թուրք պաշտոնակից Ռեջեփ Թայիփ Էրդողանի հետ հանդիպմանն ասել է, որ միջազգային սահմանների ցանկացած փոփոխություն անընդունելի է, և պետք է պահպանվի երկրների ինքնիշխանությունն ու տարածքային ամբողջականությունը, հաղորդում է իրանական Irna գործակալությունը։
Ռայիսին և Էրդողանը հանդիպել են ուրբաթ Ուզբեկստանի Սամարղանդ քաղաքում Շանհայի համագործակցության կազմակերպության (ՇՀԿ) 22-րդ գագաթնաժողովի շրջանակում։
Նրանք քննարկել են Էրդողանի՝ վերջերս Թեհրան կատարած այցի ժամանակ ձեռք բերված պայմանավորվածությունները և ընդգծել այդ պայմանավորվածությունների կատարման արագացումը։
Նախագահ Ռաիսին ասել է, որ «Իրանը դեմ է պատերնալիզմին և աջակցում է ինքնորոշմանը, ինքնիշխանությանը և տարածքային ամբողջականությանը»։
Նա անդրադարձել է Հարավային Կովկասի զարգացումներին՝ ընդգծելով Իրանի քաղաքականությունը՝ «ողջունելով Ղարաբաղի ազատագրումը և այդ տարածաշրջանը վերականգնելու պատրաստակամությունը և ընդդիմանալով միջազգային, պատմական և աշխարհաքաղաքական սահմանների ցանկացած փոփոխության»։
armenpress.am
Մեր պատվիրակության այցը Հայաստան հզոր խորհրդանիշ է․ Փելոսին խոսել է այցի նպատակների մասին
Միացյալ Նահանգների Ներկայացուցիչների պալատի խոսնակ Նենսի Փելոսիի գլխավորած պատվիրակության այցը Հայաստան ի ցույց կդնի ԱՄՆ հանձնառությունը՝ անվտանգ, տնտեսապես բարեկեցիկ և ժողովրդավար կառավարմանը Հայաստանում և Հարավային Կովկասում։ «Արմենպրես»-ի փոխանցմամբ՝ այս մասին ասվում է այցի վերաբերյալ Փելոսիի գրասենյակի տարածած հաղորդագրության մեջ։
Ներկայացուցիչների պալատի խոսնակը նշել է, որ ուրախ են այցելել Երևան 2019 թվականին Հայոց ցեղասպանությունը ճանաչող պատմական բանաձևի ընդունումից և առաջին անգամ ԱՄՆ նախագահի կողմից Ցեղասպանության ճանաչումից հետո։ Նա ընդգծել է, որ «բոլորի բարոյական պատասխանատվությունն է՝ երբեք չմոռանալ․ պարտավորություն, որը հատկապես մեծ հրատապություն է ձեռք բերել, քանի որ կոտորածներ են իրականացվում ողջ աշխարհում, այդ թվում և Ռուսաստանի կողմից Ուկրաինայում»։
«Կոնգրեսի մեր պատվիրակության այցը Հայաստան հզոր խորհրդանիշն է Միացյալ Նահանգների հաստատակամ վճռականության՝ ունենալ խաղաղ, բարեկեցիկ և ժողովրդավար Հայաստան և կայուն ու խաղաղ կովկասյան տարածաշրջան։ Կառավարության առաջնորդների, քաղաքացիական հասարակության և անվտանգային մարմինների անդամների հետ աշխատանքային հանդիպումների ժամանակ մենք կհայտնենք ԱՄՆ-ի՝ որպես ԵԱՀԿ Մինսկի խմբի համանախագահ և Հայաստանի երկար տարիների բարեկամ, ուժեղ և շարունակվող աջակցությունը Լեռնային Ղարաբաղում հակամարտության տևական կարգավորմանը»,- նշել է Փելոսին։
Նա ընդգծել է, որ պատվիրակության կազմում ընդգրկված դեմոկրատ գործիչներ Ֆրենք Փալոնեն, հայկական արմատներ ունեցող Աննա Էշուն, Ջեքի Սփիերը Հայաստանի շահերի համար երկար տարիներ ի վեր գործունեություն ծավալող գործիչներ են։ «Մեր պատվիրակությունն ակնկալում է ունենալ արդյունավետ հանդիպումներ, որոնք էլ ավելի կամրապնդեն Հայաստանի Հանրապետության հետ մեր գործընկերությունը և տարածաշրջանում առաջ կմղեն մեր արժեքներն ու շահերը»,- եզրափակել է Փելոսին։
armenpress.am
Փաշինյանը Միշելի հետ զրույցում հայտնել է սահմաններին լարվածության պահպանման փաստի մասին
ՀՀ վարչապետ Նիկոլ Փաշինյանը հեռախոսազրույց է ունեցել Եվրոպական խորհրդի նախագահ Շառլ Միշելի հետ: Այս մասին «Արմենպրես»-ին տեղեկացրին ՀՀ կառավարության տեղեկավտության և հասարակայնության հետ կապերի վարչությունից։
Վարչապետը մանրամասներ է ներկայացրել Հայաստանի ինքնիշխան տարածքի նկատմամբ ադրբեջանական ագրեսիայի հետևանքով ստեղծված իրավիճակի վերաբերյալ՝ ընդգծելով սահմաններին լարվածության պահպանման փաստը:
Շառլ Միշելը վերահաստատել է պատրաստակամությունը՝ նպաստելու երկխոսությանն ու խաղաղությանը:
Քննարկվել են իրավիճակի կարգավորմանը վերաբերող տարբեր հարցեր:
lragir.am
Հայաստանն Ադրբեջանի կողմից պատերազմական հանցագործությունների հիմքով դիմում է Արդարադատության միջազգային դատարան
Հայաստանն Ադրբեջանի կողմից պատերազմական հանցագործությունների հիմքով դիմում է Արդարադատության միջազգային դատարան: Այս մասին տեղեկացնում է հատուկ հանձնարարություններով դեսպան Էդմոն Մարուքյանը։
lragir.am
ՀՀ-ում Գերմանիայի գործերի ժամանակավոր հավատարմատարը ցնցված է Ադրբեջանի հարձակման հետևանքով Ջերմուկում առկա ավերածություններից
Հայաստանում Գերմանիայի փոխդեսպան, այս պահին Գերմանիայի գործերի ժամանակավոր հավատարմատար Էրիկ Թինտրուպը ցնցված է Ադրբեջանի հարձակման հետևանքով Ջերմուկում առկա ավերածություններից: Այս մասին հրապարակում է արվել Հայաստանում Գերմանիայի դեսպանատան «Ֆեյսբուք»-ի էջում:
Հրապարակման մեջ նշվում է, որ Գերմանիայի գործերի ժամանակավոր հավատարմատարը մեկն էր այն մոտ 50 դիվանագետներից, որոնք հրավիրված էին այդ քաղաքում ՀՀ պաշտպանության և արտաքին գործերի նախարարությունների կազմակերպած բրիֆինգին։
«Ջերմուկը գեղեցիկ բնության մեջ տեղակայված գեղատեսիլ, խաղաղ հանգստավայր է։ Երեքշաբթի այստեղ գերմանացի զբոսաշրջիկներ էլ կային։ Այն, որ բնակիչներից ոչ ոք չի զոհվել, գրեթե հրաշքի է նման, քանի որ հրետանային կրակոցները խփել են այս՝ սահմանից կիլոմետրեր հեռու գտնվող ռեստորանների և ճոպանուղու ուղղությամբ, ընդամենը մի քանի հարյուր մետր հեռու բնակելի շենքերից ու զբոսաշրջիկներով լի հյուրանոցներից։ Գերմանուհի զբոսաշրջիկն իր հյուրանոցի սենյակից կարողացել է լուսանկարել պայթյունները, այնքան մոտիկ են նրանք եղել դրանց։ Ես չափազանց մտահոգ եմ։ Մենք ապրումակցում ենք հայ ժողովրդին»,- Ջերմուկ կատարած այցից իր տպավորություններն է հայտնել դիվանագետը։
