Մեկնաբանություն- Քաղաքական խորը ճգնաժամ Պաղեստինի օկուպացված տարածքներում
Ճգնաժամը Պաղեստինի օկուպացված տարածքներում հասել է ամենաբարձր մակարդակին, և Բենիամին Նեթանյահուի կաբինետը վաղաժամ փլուզման եզրին է։
Նեթանյահուի կաբինետի աշխատանքի մեկնարկից անցել է 3 ամիս. Այս երեք ամիսների ընթացքում Նեթանյահուի կաբինետի իրականացրած ամենակարեւոր ծրագիրը դատաիրավական բարեփոխումների ծրագիրն էր, որը համախմբեց ընդդիմությանը։
Նեթանյահուի հակառակորդները կարծում են, որ դատաիրավական բարեփոխումների ծրագրով վարչապետը և նրա կաբինետի որոշ անդամներ կհայտարարեն իրենց կոռուպցիոն գործերը փակված՝ միաժամանակ կործանելով դատական համակարգի անկախությունը։ Այդ իսկ պատճառով հակառակորդներն այս ծրագիրը որակում են որպես դատական հեղաշրջում և հաճախակի ու շարունակական ցույցեր կազմակերպելով՝ պահանջում են չեղարկել այդ ծրագիրը։
Բանակը միանալով ցուցարարներին և պատերազմի նախարար Յոավ Գալանտի աջակցությունը զինվորականներին և դատաիրավական բարեփոխումները դադարեցնելու նրա խնդրանքը պատճառ դարձան, որ Նեթանյահուն պաշտոնից ազատեց պատերազմի նախարարին: Թել Ավիվում մի քանի հարյուր հազար մարդկանց ցույցերը, որոշ դիվանագետների հրաժարականը, ինչպիսիք են Նյու Յորքում Իսրայելի գլխավոր հյուպատոս Ասաֆ Զամիրը, Թել Ավիվի Բեն-Գուրիոն օդանավակայանի ընկերության կողմից բոլոր թռիչքների չեղարկումը, ցույց են տալիս ճգնաժամի խորությունը։
Թեև Նեթանյահուն մինչ այժմ դիմադրել է ցուցարարների պահանջներին, եբրայական լրատվամիջոցները հաղորդում են դատաիրավական բարեփոխումների գործընթացից Նեթանյահուի նահանջի մասին, ինչը տարաձայնություններ է առաջացրել կաբինետում: Մինչ ֆինանսների նախարար Բեզալել Սմոտրիչը հայտարարել է պլանը դադարեցնելու իր համաձայնության մասին, ներքին անվտանգության նախարար՝ Իտմար Բեն Գոերրը սպառնացել է իշխող կոալիցիայի փլուզմամբ:
Այս պայմանների պատճառով օկուպացված հողերում ճգնաժամը հասել է իր գագաթնակետին։ Նեթանյահուն երեք ճանապարհ ունի առջևում. Առաջինը դատաիրավական բարեփոխումներ իրականացնել, որ այդ դեպքում Իսրայելում կսրվի ներքին ճգնաժամը և նույնիսկ կառաջանա քաղաքացիական պատերազմ, ինչը կսպառնա ռեժիմի գոյությանը: Իսրայելի նախկին վարչապետ Նեֆթալի Բենեթն ասել է. «Իսրայելը գտնվում է Յոմ Կիպուրի պատերազմից ի վեր ամենամեծ վտանգի տակ»:
Դատաիրավական բարեփոխումների ծրագրի վրա պնդելը կհանգեցնի ավելի լրջությամբ ձգտել Նեթանյահուի հեռացմանը:
Երկրորդ՝ դուրս գալ դատաիրավական բարեփոխումների ծրագրից, ինչը կարող է հանգեցնել կաբինետի վաղաժամ փլուզմանը: Ծրագրից դուրս գալը լուրջ հետընթաց կլինի Նեթանյահուի համար և կարող է հանգեցնել հերթական արտահերթ ընտրությունների և նույնիսկ քաղաքական փակուղու սրմանը Իսրայելում:
Երրորդ՝ Նեթանյահուն պետք է հրաժարվի դատաիրավական բարեփոխումների ծրագրից և միևնույն ժամանակ համոզի իշխող կոալիցիային չհրաժարվել կաբինետից։ Այս դեպքում կաբինետը ոչ թե կփլուզվի, այլ կշարունակի աշխատել ամենաթույլ պայմաններով։ Անգամ այս դեպքում կաբինետի երկարաժամկետ շարունակականության երաշխիք չկա, եւ գուցե ընդամենը մի քանի ամիս կավելանա կաբինետի կյանքին։
Վերջում հարկ է նշել, որ Օկուպացված տարածքներում վերջին հակամարտությունները Նեթանյահուի կաբինետի դեմ Իսրայելի ռեժիմի քաղաքացիների շրջանում հասարակական համախմբման և ատելության շարունակման օրինակ են և գրավյալ տարածքներում քաղաքական պառակտումների գագաթնակետի մասին են վկայում:
