Մեկնաբանություն- Փոխզիջում Կրեմլի և Վագների խմբի միջև՝ Լուկաշենկոյի միջնորդությամբ
Եվգենի Պրիգոժինի գլխավորած «Վագներ» խմբավորման ապստամբությունից մեկ օր չանցած, Կրեմլի և Վագներ խմբի միջև փոխզիջում կատարվեց Բելառուսի նախագահ Ալեքսանդր Լուկաշենկոյի միջնորդությամբ:
Վագների ապստամբության կյանքը չհասավ 24 ժամի՝ Պրիգոժինի ապստամբության մեկնարկի մասին առաջին խոսքերից մինչև զորքերը ճամբար վերադարձնելու մասին վերջին հայտարարությունը տևեց 23 ժամ 40 րոպե։ Վագները երկար ժամանակ բողոքում էր պաշտպանության նախարարությանը՝ իր ուժերին թույլ աջակցություն ցուցաբերելու համար։ Նա նաև քննադատում էր բանակի դանդաղ ու թույլ գործողությունները Ուկրաինայի ռազմաճակատներում և պահանջում էր ավելի խստություն և բռնություն Ուկրաինայի նկատմամբ։
Կրեմլի և Վագներ խմբի միջև հաշտության մասին հայտարարությունից հետո Կրեմլի խոսնակ Դմիտրի Պեսկովը շաբաթ երեկոյան ասել է, որ շաբաթօրյա իրադարձություններին մասնակցած վագներյան ուժերը քրեական պատասխանատվության չեն ենթարկվի։
Վագների ուժերի մի մասը, որն ի սկզբանե հրաժարվել էր մասնակցել Պրիգոժինի ապստամբությանը, պայմանագիր կկնքի ՌԴ ՊՆ-ի հետ: Շնորհակալություն հայտնելով Բելառուսի նախագահին միջնորդական ջանքերի համար, Կրեմլը հայտարարեց, որ Պրիգոժինի դեմ հարուցված քրեական գործը չեղարկվել է, և նա Ռուսաստանից մեկնելու է Բելառուս։ Սակայն նրա գլխավոր պահանջի մասին, որը ՌԴ պաշտպանության նախարար Սերգեյ Շոյգուի պաշտոնանկությունն է, ոչինչ չի ասվել։ Լրատվամիջոցները հայտնում են, որ Վագների հետ պայմանավորվածության կետերից մեկը եղել է Ռուսաստանի պաշտպանության նախարարությունում որոշակի փոփոխություններ կատարելը։
Այս համաձայնագիրը հայտարարելուց հետո Վագների խմբի ղեկավարն ասաց. «Մենք հունիսի 23-ին սկսեցինք արդարության երթ և մեկ օրում հասանք Մոսկվայից 200 կմ հեռավորության վրա։ Վագների ուժերը Ռոստով քաղաքից նահանջելիս վերադառնում են իրենց բազաները»: Պրիգոժինը հավելեց.«Գիտակցելով ողջ պատասխանատվությունը այն բանի համար, որ ռուսների արյունը թափվելու է, մենք մեր ուժերի ուղղությունը փոխեցինք և ըստ (համաձայնեցված) պլանի՝ գնացինք դաշտային ճամբարներ։
Վագներ խմբավորման հանկարծակի ապստամբությունը, որն, իհարկե, հիմնված էր այնպիսի արդարացումների վրա, ինչպիսիք են Ռուսաստանի կողմից և Շոյգուի հրամանով Վագներ ուժերի վրա հրթիռային հարձակումը, ինչպես նաև դժգոհությունը ուկրաինական պատերազմում այս աշխարհազորային ուժերի նկատմամբ բավարար և արդյունավետ աջակցության բացակայության և այս ուժերի մեծ թվով զոհերի վերաբերյալ, ինչպես նաև Ռուսաստանի մեծ թվով ռազմական և պաշտպանության բարձրաստիճան պաշտոնյաներին պաշտոնանկ անելու պահանջը, Ռուսաստանի քաղաքական և ռազմական հավասարումների մեջ այս արտառոց երևույթի ի հայտ գալու պատճառ դարձան:
Մասնավորապես, Վագների ուժերի շատ արագ առաջխաղացումը դեպի Մոսկվա մի քանի առումներով անհանգստություն առաջացրեց ռուսական բանակի և Վագների անդամների միջև լայնածավալ ներքին հակամարտության առաջացման կապակցությամբ։ Իհարկե, ուկրաինական բանակը, որն այժմ տարբեր ճակատներում լայնածավալ հակահարձակումներ է իրականացնում Ռուսաստանի դեմ, ողջունեց այս իրադարձությունը և նույնիսկ օգտվեց առիթից՝ և շաբաթ օրը լայնածավալ հարձակումներ իրականացրեց ռուսական դիրքերի վրա։ Բացի այդ, Ուկրաինայի նախագահի գրասենյակի ղեկավարն իր հուսահատությունն ու հիասթափությունն է հայտնել ապստամբությունը դադարեցնելու և այդ երկրից նահանջելու Ռուսաստանի կառավարության հետ Վագների խմբի պայմանավորվածության առնչությամբ:
