Մեկնաբանություն- Հոսեյնական Աշուրայի վերկրոնական ուղերձը

Երեկ Աշուրայի օրն էր: Այն օրը,երբ ժամանակի բռնակալները նահատակեցին աշխարհի շիաների երրորդ առաջնորդ՝ Իմամ Հոսեյնին և գերեվարեցին նրա ընտանիքին:

Աշուրայի իրադարձությունը, Իմամ Հոսեյնը  և Հազրաթ Աբոլֆազլ ալ-Աբբասը իրանահայերին ծանոթ անուններ են:  Երբ գալիս է Մոհարրամ ամիսը, շիաները սգում են Իմամ Հոսեյնի (Խաղաղություն լինի նրա վրա) և նրա հավատարիմ զինակիցների  համար: Բայց նրանց կողքին սգում են աստվածային այլ կրոնների հետեւորդները, հատկապես հայ քրիստոնյաները։ Իմամ Հոսեյնի (խաղաղություն լինի նրա վրա) ընդվզումը չարի դեմ բարու ընդվզումն է ,որն օրինակ է ծառայում աշխարհի բոլոր ազատատենչ  մարդկանց համար: Այս հատկանիշը պատճառ է դարձել, որ Իրանում ոչ մուսուլման արդարատենչները սգան շիաների կողքին: 

Թեհրանի Հաֆթ-ե Թիր հրապարակի հյուսիսում գտնվող  «Սարալլահի հեյաթ»-ն արդեն քառասուն տարի է,որ ամեն տարի հյուրընկալում է մուսուլման սգավորներին և կրոնական փոքրամասնություններին, հատկապես հայերին: Այստեղ հայերի հյուրընկալությամբ սգո արարողությունը մեկնարկում է Մոհարրամի 1-ից  և շարունակվում մինչև մոտ 20 գիշեր:

Իրոք, ո՞րն էր Իմամ Հոսեյնի  նպատակը, որի համար նա պատրաստ էր զոհաբերել իրեն և իր աջակիցներին  և  վերկրոնական ուղերձ հղել  աշխարհի արդարատենչներին: 

Կրոնական հարցերով փորձագետները կարծում են, որ Աշուրան և աշխարհի շիաների երրորդ առաջնորդ՝ Իմամ Հոսեյնի նահատակությունը վերկրոնական ուղերձ ունեն, որն ուղղված է բոլոր մարդկանց:

Աշուրայի ուսմունքի ամենահայտնի թեմաներից մեկը ազատության, արդարության և հակաբռնապետության քարոզումն է, այսինքն՝ Իմամ Հոսեյնը դիմել է բոլոր մարդկանց,իհարկե  ոչ թե այն մարդկանց, ովքեր Աշուրայի օրը հայտնվեցին նրա առջև ու նահատակեցին նրան: 

Իմամ Հոսեյնը  նահատակվել է Քարբալայի անապատում, նրա զավակները և նրա աջակիցները թույլ տվեցին այս ուղերձը բոլոր դարերում  հասցնել աշխարհի ժողովուրդներին, որպեսզի բոլորն անդրադառնան,որ արդարդության բացակայության  ու բռնության առկայության դեպքում հասարակությունը հետընթաց կապրի և անհավատներն ու կեղեքիչները կիշխեն մարդկանց: 

Հարկ է նշել, որ արդարությունը սոսկ կրոնական հասկացություն չէ, այլ մարդկային և  վերկրոնական հասկացություն։ Թեև մարդիկ գիտեն, որ կարևոր է հասարակության մեջ արդարության հաստատումը, Իմամ Հոսեյնը  զգաց, որ հետագա դարերի հասարակությունը կարող է չճանաչել արդարության հասնելու և ճնշումների դեմ  պայքարելու ճանապարհը, և նույնիսկ կարող է բռնության դեմ պայքարի ճանապարհին ներքաշվել շեղումների մեջ, այդիսկ պատճառով կարելի է ասել ,որ Հոսեյնական աշուրան վերկրոնական ուղերձ  է պարունակում: 

Կրոնական պաթոլոգ՝ Հոջաթ-օլ-Էսլամ վալ-Մոսլեմին Մեհդի Մասայելին,  ասում է.-«Սոցիալական կարևոր իդեալներին հասնելու համար պետք է զոհաբերել իրեն, այդ իսկ պատճառով շատ ազատատենչ մարդիկ և  բռնության ու բռնակալրների դեմ ընդվզողներ ու ազատատենչներ հասել են այս եզրակացության,որ  ամբողջ աշխարհում, ազատ ու արդար հասարակության հասնելու համար, պետք է Իմամ Հոսեյնի նման լինել անձնազոհ»:

Կրոնական պաթոլոգը բացատրեց,որ այսօր աշխարհի բարեփոխիչները, ովքեր ձգտում են իրականացնել արդարություն և ազատվել իմպերալիզմի  լծից, գիտեն, որ եթե չլինեն անձնազոհն, հնարավոր չէ իրականացնել մարդկային իսկական իդեալները: Արդարատենչական շարժումների հաջողությունն աշխարհում  պայմանավորված է Հոսեյնիի ճանապարհին հետևելով: Եկեք նվիրվենք նրա ճանապարհին և հետևենք Հոսեյնական  Աշուրայի օրինակին: