Եմենում Սաուդյան Արաբիայի ոճրագործություններն ու ձախողումները
Ալե Սաուդյան ռեժիմի կողմից Եմենի ժողովրդի կոտորածը շարունակվում է: Վերջին օրերի ընթացքում Եմենի դեմ իրականացվող Սաուդյան Արաբիայի ավիահարձակումները հանգեցրել են ավելի քան 100 խաղաղ բնակիչների մահվանն ու վիրավորվելուն:
Սաուդյան Արաբիան 2015 թվականի մարտին սկսեց Եմենի վրա իր հարձակումները: Սաուդացիներն այդ հարձակումների ընթացքում բազմիցս ռմբակոծել են դպրոցները, հիվանդանոցները , բնակելի շրջանները, ճանապարհները , շուկաները և փախստականների ճամբարները:
ՄԱԿ-ը բազմիցս ընդգծել է,որ Եմենի դեմ, հատկապես այդ երկրի կենսական նշանակություն ունեցող կենտրոնների վրա Սաուդյան Արաբիայի հարձակումները, խախտում են միջազգային օրենքները և դրանք «անընդունելի» քայլեր են:
Ալե Սաուդյան վարչակարգը Եմենի դեմ պատերազմը շղթայազերծեց այդ երկրի վտարանդի նախագահ՝ Աբդ Ռաբե Մանսուր Հադիին իշխանության վերադարձնելու և «Անսար Ալլահ» ժողովրդական շարժմանը թուլացնելու նպատակով: Բայց Ռիադը չհասավ իր հետապնդած նպատակներին : Իր ձախողումներն հակակշռի տակ առնելու նպատակով այդ ռեժիմն ավելի է ընդլայնել իր ոճրագործությունները:
Սաուդյան պաշտոնատարները ոչ մի ձեռքբերում չեն ունեցել Եմենում: Փորձը ցույց է տվել ,որ ռազմական հարձակումների քողի տակ քաղաքական նպատակները միմիայն խորացնում են ճգնաժամը:
Եմենի բնակելի և արդյունաբերական ենթակառույցների թիրախավորումը վկայում է այդ երկրում Սաուդյան Արաբիայի ռազմական նպատակների ձախողման մասին:
Սաուդյան Արաբիայի և նրա դաշնակիցների ավիահարձակումները չեն կարող իրականացնել Ալե Սաուդյան ոտնձգիչ վարչակարգի տիրակալական նպատակները և «Անսար Ալլահ» ժողովրդական շարժումն ու Եմենի ազգային ինքնիշխանության ու տարածքային ամբողջականության հովանավորները շարունակում են իրենց ջանքերը հանուն հեղափոխության գաղափարների կատարյալ իրագործման:
Եմենում պրոքսի պատերազմի մեկնարկից ի վեր Արաբիան եղել է այդ պատերազմի պարտվող կողմը,քանզի թե՛ Ալե Սաուդյան իշխանությունների միջև տարաձայնություն է առաջացել այդ պատերազմի պատճառով , թե Ռիադը պարտություն է կրել իր հեղափոխության գաղափարները վճռականորեն պաշտպանող Եմենի ժողովրդից:
Եմենի տարբեր քաղաքներում իրականացվող ամենօրյա զանգվածային ցույցերը և Ալե Սաուդյան վարչակարգի նկատմամբ այդ երկրի հեղափոխական ժողովրդի հայտնած ատելությունը վկայում է Եմենում Ալե Սաուդյան ռեժիմի ձախողման մասին:
Խորհելու տեղիք է տալիս այն փաստը ,որ Եմենի դեմ իրականացվող Սաուդյան Արաբիայի հարձակումների ընթացքում ՄԱԿ-ի կանոնագրի խախտման նկատմամբ այդ կառույցը հանդես է եկել պասսիվ կողմնորոշմամբ: ՄԱԿ-ը Եմենում մարդկային աղետի նկատմամբ հայտնել է իր դիրքորոշումը ,սակայն գործնականում հարթել է Սաուդյան Արաբիայի միլիտարիստական քայլերի ճանապարհը:
Եմենում տիրող ճգնաժամի նկատմամբ ՄԱԿ-ի Անվտանգության խորհրդի կողմից ցուցաբերվող անուշադրությունը նշանակում է կանաչ լույս լույս ցույց տալ Սաուդյան Արաբիային միջազգային բոլոր օրենքները շրջանցելու և Եմենում իր ոճրագործություններն սաստկացնելու համար: