ԻԻՀ նախագահ. Ահաբեկչությունն արևմուտքի քաղաքականության հետևանքն է
ԻԻՀ նախագահ Հասան Ռոհանին ՄԱԿ-Ի ԳԱ 71-րդ նստաշրջանում ունեցած իր ելույթում ներկայացնելով տարածաշրջանային ու միջազգային ասպարեզում Իրանի սկզբունքային քաղաքականությունները, անդրադարձել է Միջին Արևելքում ու Աֆրիկայի հյուսիսում աճող ահաբեկչությանն ու բռնարարքներին:
Հինգշաբթի օրը, ՄԱԿ-Ի ԳԱ նստաշրջանին մասնակցող երկրների ղեկավարների հավաքում ունեցած ելույթում անդրադարձել է Միջին Արևելքում բռնարարքների արմատներին: «15 տարի է անցել Նյու Յորքում տեղի ունեցած սարսափելի ահաբեկչական գործողությունից»:
Ռոհանին նշել է, որ այդ օրը որևէ մեկը չէր կարող պատկերացնել, թե այդ իրադարձությունը Միջին Արևելքում առավել մեծ աղետների ու ավերիչ պատերազմի, իսկ աշխարհում անապահովության տարածման հող է նախապատրաստելու: ԻԻՀ նախագահը խոսքն ուղղելով Գլխավոր ասամբլեայի նստաշրջանին մասնակցած տբոլոր երկրների ղեկավարներին հավելել է. «Նյու Յորքում ահաբեկչությամբ ու բռնարարքներով սկսված դարը չպիտի թշնամական մրցակցություններով և Միջին Արևելքում պատերազմի հրահրմամբ շարունակվի»:
ԻԻՀ նախագահն անդրադարձել է 2001 թվականի սեպտեմբերի 11-ին Նյու Յորքի կենտրոնում տեղի ունեցած ահաբեկչական հարձակումներին: Այդ օրը Ալ Ղաիդայի ահաբեկիչները հարձակում իրականացրեցին ԱՄՆ-ի տնտեսական ու ռազմական կարևոր կենտրոնների վրա: Այս իրադարձությունը լուրջ փոփոխություն առաջացրեց ԱՄՆ-ի քաղաքականություններում: Դեպքի հետոԱմնեն պատերազմներ սկսեց Իրաքում և Աֆղանստանում: Ամերիկացի քաղաքական ու ռազմական պաշտոնյաները համարում էին, որ ահաբեկիչների դեմ հարձակման դիմելը ԱՄՆ-ի ազգային անվտանգությունը երաշխավորելու միակ ուղին է: Սպիտակ տան դաշնակիցներն էլ ահաբեկչական հարձակումների թիրախ չդառնալու վածից միացան ԱՄՆ-ին: 11-սեպտեմբերյան դեպքերն Ասիայի արևմուտքում նոր պատերազմների սկիզբ դրեցին , որոնց կլանում են ամեն ինչ ու սահման չեն ճանաչում: Աֆղանստանում ու Իրաքում ԱՄՆ-ի ու նրա դաշնակիցների հրահրած պատերազմը սկսվեց ահաբեկիչների վրա հարձակում իրականացնելու նպատակով, սակայն արմատախիլ լինելու փոխարեն , ահաբեկչությունը տարածվեց ողջ աշխարհում:
Այսօր, սեպտեմբերի 11-ի դեպքերից 15 տարի անց, աշխարհն առավել անապահով է դարձել: Ահաբեկչությունը տարածվել է Ասիայի արևմուտքից մինչև Աֆրիկայի հյուսիս և դրա սարսափը ստվեր է տարածել աշխարհի վրա:
Սեպտեմբերի 11-ի ահաբեկչական հարձակումներն իրականացրեցին Ալ Ղաիդայի 19 ահաբեկիչներ: Սակայն ահաբեկչության դեմ պայքարում արևմուտքի ու մասնավորապես ԱՄՆ-ի վարած քաղաքականությունների արդյունքում, այսօր հազարավոր վարձկան մարդասպաններ ԻԼԻՊ-ի, Ալ-Նուսրայի ճակատի, Բոքոհարամի ու այլ խմբերի կազմում ահաբեկչական գործողություններ են իրականացնում աշխարհի տարբեր կողմերում:
Ուստի աշխարհում ահաբեկչության տարածման պատճառը կարելի է փնտրել սեպտեմբերի 11-ից հետո արևմուտքի վարած քաղաքականություններում: Հասան Ռոհանին ընդգծել է, որ ահաբեկչությունը կարելի է համարել վերջին 15 տարիների ընթացքում գերտերությունների պաշտպանական ռազմավարության արդյունքը: Սեպտեմբերի 11-ի հարձակումներից 15 տարի անց աշխարհում տիրող իրավիճակը ահաբեկչության դեմ պայքարի հավակնորդների համար ապացույց է, որ աշխարհի որևէ կետում անապահովություն առաջացնելու միջոցով մեկ այլ կետում անվտանգություն ստեղծելու արդյունքը կարող է լինել անապահովության առավել սրումը: